亞來泰菜 (已結業)

亞來泰菜基本上係我學生時代既飯堂, 因為佢既LUNCH SET實在係太抵食. 我同班朋友一星期一定有兩日會係度開餐. ;)) 依家大個咗, 有好多機會係出面食到唔同既泰國菜, 更加發現亞來真係好正. 係有比較之下, 我覺得亞來泰菜完全係可以同九龍城既泰國菜一較長短. 雖然我唔知道亞來係咪同出面一樣既餐廳都係家庭式作業, 但亞來比我既個感覺都係好舒服同好溫馨既一間小店. 今晚, 我們亦決定去亞來同細妹慶祝生日. 雖然今日只係星期二, 但都好爆場, 好彩我早早訂咗枱, 唔係就一定無位. 咁既然叫得生日飯, 我地係叫餸既時候都無手軟, 一於食盡佢. haha. 我地六個人總共叫咗八個餸. 而其中, 我最想推介既就係咖哩蟹包同金柚沙律.金柚沙律 – 材料都係用最基本的泰國金柚, 再配以燒蝦同少少炒香的碎花生組合而成. 但一個沙律好食與否, 其實最最重要既係個醬汁. 亞來以酸酸甜甜做成個醬汁既主調, 濃味同“杰”身既醬汁掛係所有食材上面, 成個口感係非常豐富同清新. 無得彈!!另外要介紹既就係咖哩蟹包, 首先呢個餸一上, 個個都即刻嘩一聲, 因為賣相真係好吸引好吸引, 先不要評論味道係咪好食,