PizzaExpress (高安閣) (已結業)

今日lunch走咗去太古嗰邊食嘢，睇來睇去唔知去邊間食好，就去啲穩陣派分店多嘅鋪頭啦， Pizza Express 叫咗個牛油果🥑藜麥沙律，賣相一流呀！牛油果份量仲唔少添，一睇就知係新鮮貨，食落仲有陣陣牛油果香，大愛呀！跟住叫咗個四色芝士pizza，佢焗到脆一脆，而且份量都唔算少，幾個人share都OK最後梗係唔少得蜜糖雞翼啦！仲跟埋個芥茉醬，勁好食囉，差唔多比我自己一個食晒呀！如果想穩穩陣陣揀大牌子實無死啦，至少佢開得咁多間分店，質素都有啲保證先啦，係咪？