影片
更多
2024-06-14
165 瀏覽
今日又黎到銅鑼灣去到好多美食既登龍街搵野食先，今次上網搵左間食串燒既餐廳試下先，一入到去木系居酒屋既裝修設計，熱鬧既環境感覺好有FEEL，雖然係串燒餐廳但係感覺唔到油煙味，原來係有玻璃隔住可以見到師傅不停燒出晒煙，但出面既食客聞唔到油煙依方面勁鐘意，唔駛食完成身燒烤味帶返屋企💯食物方面最主打既係雞🐔，差唔多雞既每一部位都有得食，有好多都未食過，另外仲有牛,豬,海鮮,前菜,揚物,飯麵,野菜,沙律,甜品，同食串燒唔可以無既.....酒🍻雞軟骨+雞心🐤：雞軟骨同雞心都好香脆，一口咬落去有個脆脆嘅質感同時都有啲嫩滑嘅口感，雞軟骨爽脆加雞心內軟每邊一啖幾過癮。雞柳(芝士)+雞腿🐔：雞柳同雞腿都係啖啖肉肉質鮮嫩，雞柳既芝士融化嘅滋味好濃郁，帶出一種濃濃嘅奶香味。雞翼🐣：正所謂燒雞翼我鐘意食，我真係好鐘意食，呢款雞翼炭燒得剛剛好，外皮微焦有焦香，入面肉質咬落去有汁出，好有炭燒嘅獨特風味。免治雞肉棒🍳：免治雞肉棒配上日本月見蛋，依個組合既配搭係出奇地正，加埋日本精酒係更完美，咬一啖飲一啖。炭燒白鱔🪱：炭燒白鱔依個真係冇得輸，係我至愛既其中一個，皮脆得黎咬落去既肉質比鰻魚更幼滑，而且冇骨，如果唔係太飽依
食物方面最主打既係雞🐔，差唔多雞既每一部位都有得食，有好多都未食過，另外仲有牛,豬,海鮮,前菜,揚物,飯麵,野菜,沙律,甜品，同食串燒唔可以無既.....酒🍻
雞軟骨+雞心🐤：雞軟骨同雞心都好香脆，一口咬落去有個脆脆嘅質感同時都有啲嫩滑嘅口感，雞軟骨爽脆加雞心內軟每邊一啖幾過癮。
雞柳(芝士)+雞腿🐔：雞柳同雞腿都係啖啖肉肉質鮮嫩，雞柳既芝士融化嘅滋味好濃郁，帶出一種濃濃嘅奶香味。
雞翼🐣：正所謂燒雞翼我鐘意食，我真係好鐘意食，呢款雞翼炭燒得剛剛好，外皮微焦有焦香，入面肉質咬落去有汁出，好有炭燒嘅獨特風味。
免治雞肉棒🍳：免治雞肉棒配上日本月見蛋，依個組合既配搭係出奇地正，加埋日本精酒係更完美，咬一啖飲一啖。
炭燒白鱔🪱：炭燒白鱔依個真係冇得輸，係我至愛既其中一個，皮脆得黎咬落去既肉質比鰻魚更幼滑，而且冇骨，如果唔係太飽依個可以叫多幾串。
香脆雞皮配香蔥酸汁🐤：香脆雞皮依個我幾鐘意。雞皮炸得金黃酥脆，配上香蔥酸汁，帶出一種酸酸甜甜嘅味道，勁岩開胃小食。
味噌松坂豬🐷：松坂豬肉質唔會嚡口，味噌醬汁帶出一種濃郁嘅味道，同豬肉好夾。
鹽燒牛舌芯：鹽燒牛舌芯，又係我好鐘意既。燒牛舌芯，真係唔係間間都燒得好味，配上鹽嘅調味，帶出牛肉嘅原汁原味同嫩滑口感。每一口都令人陶醉。
A4鹽燒和牛三角腩🐂：但係講到今餐飯我最最鐘意既就係呢款A4和牛三角腩燒得恰到好處，外層微焦，和牛肉質細膩，入口即化，帶出一種濃郁嘅牛肉香氣同口感。鹽燒嘅調味令味道更加突出，絕對係必叫之選。
麻薯卷：麻薯卷鹹鹹甜甜嘅味道。再加埋可以拉絲拉到好長，又有得食又有得玩，麻薯外層綿密軟滑。
翠玉瓜+粟米🌽：翠玉瓜同粟米係我串燒成日都會叫既蔬果類，依度燒完都仲係香甜多汁。保持到粟米嘅甜味同脆口。燒既時間控制得好好
明太子燒淮山🐠：又一款我好鐘意既，本身燒淮山比較小食，但係見到佢明太子就叫黎食下，一黎到好似唔駛錢咁既明太子多到呢🤤🤤🤤仲要表面微微焦。加上好大舊既淮山，一啖都係緊緊可以放晒入口，明太子醬汁帶出一種好濃郁嘅海鮮味，原來同淮山嘅鮮甜結合得咁出色。
田樂燒茄子🍆：呢款同我幻想有出入，之前食開既燒茄子都係一條過，不過依度係切條，茄子燒得軟熟，保持住茄子嘅滑嫩口感。加上田樂醬汁帶出一種好濃郁嘅魚香味又幾得意
焦糖蕃薯配雪糕🍠🍧：焦糖蕃薯烤得金黃酥脆，上面既焦糖脆卜卜同蕃薯一齊食甜度岩岩好。配上清涼嘅雪糕，真係好開心嘅組合。
梅酒ON ROCK🥃：食串燒點可以唔整返D酒精享受下先得架。不過今次唔叫清酒試下梅酒，好濃郁嘅梅子香氣，入口滑順，有啲甜味。易入口得黎同串燒都係一個唔錯既配搭，不過同班FD就一定叫清酒，飲飲下既氣氛一定更加好
整體上服務幾好，9成食物都燒得好有水準，雖然當日好多客人但係燒既速度都好快，叫完坐一陣好快就開始不停送過黎👍
張貼
