ZipZip

營業中

休息中

好耐好耐無去久違既Mamaday食飯，原來改左名叫ZipZip，裝修都唔同左。餐牌同之前好似一樣，有小食，沙律，早午餐，比薩，飯，烏冬，麵，甜品。飲品有酒，咖啡，牛奶，奶昔，沙冰，梳打，茶。今晚食清d，揀咗一份沙律同一份肉食。基本野素食者沙律 $88 另加一基本野素食者沙律係新鮮沙律雜菜同車厘茄加左香甜黑醋，水果有新鮮火龍果同藍莓。食落酸酸甜甜，好開胃。美利堅合眾國草飼牛扒 $178 另加一美利堅合眾國草飼牛扒一客9件已經切好，揀咗medium rare，有血水，整得剛好，外皮香脆，入面好嫩，又有牛味，面頭簡單灑上香草同鹽調味，可以點另上燒汁食，真係好嫩。伴有少見既蝦片兩大片，好香脆。另外伴有一細兜蕎麥麵，加左大量胡麻醬同木魚花。沙律係同基本野素食者沙律完全一樣，可以減油膩感。估唔到呢度既牛扒都好唔錯。呢度處處打卡位，同食物影相好唔錯。