ZipZip

營業中

休息中

餐廳：ZipZip（前身係Mamaday，裝修都唔同左）地點：銅鑼灣霎西街菜式：玩味cafe餐牌：平日12點到3點都有午餐，包主菜6選1（有意大利粉，全日早餐，比薩，蛋包飯，烏冬，漢堡），湯或者沙律，黑茶，另加一，其他飲料有折扣減$20，可加錢配小食或者窩夫/甜品。時令沙律（跟餐）今日個湯係南瓜湯，我地都要沙律。沙律主要係雜菜沙律底，加上新鮮紅橙車厘茄，藍莓同火龍果。醬汁係黑醋，健康好味。櫻花蝦溫泉蛋咖哩豬頸肉卡邦尼 $128 另加一櫻花蝦溫泉蛋咖哩豬頸肉卡邦尼係淺黃色扁意粉上面加上一隻溫泉蛋，灑上櫻花蝦仔同香草加芝士粉，意粉好滑，個咖哩汁味道剛好，唔會太辣，食落蛋味重，撈有唔少爽口雜菇粒同爽脆豬頸肉，仲有洋蔥粒。個汁夠多，味道唔錯，唔會太重口味。呢個係一個清淡版既卡邦尼。牛油果三文魚比薩 $138 另加一牛油果三文魚比薩一開6塊。批底係我最愛既超薄脆，食完唔會過飽。每塊批上面都有兩片煙三文魚同牛油果蓉，撒上香草。最特別係有豐富滑溜薯蓉，加埋拉絲芝士，口感係滑溜、滑溜加滑溜。蜂蜜黑茶，無糖黑茶（跟餐）原來黑茶都有兩種味道揀。無糖都唔會苦，唔錯。加左蜂蜜甜甜地就更好飲。今餐食物質素唔錯。