曼谷係其中一個香港人鐘意去個休閒短旅行嘅地方，唔單止可以瘋狂Shopping加做Spa，仲可以嘆盡泰國特色菜！而家OpenRice網上訂座服務而家已經擴展到曼谷，除咗酒店自助餐有低至半價優惠之外，其實仲有唔少特色泰國菜館都有訂座優惠㗎。
人氣冬陰功Shabu Shabu Long Young (ลองยัง)
冬陰功就飲得多，拎嚟做火鍋湯底你又試過未？呢間鄰近Mo Chit BTS站嘅人氣Shabu Shabu店就有泰式冬陰功鍋，辣度仲可以隨自己喜好選擇。一鍋就已經有齊香料、海鮮同麵等基本配料，之後可以再嗌其他配料。湯底香辣濃郁，唔洗點任何醬料都夠惹味，難怪就算好易食到一身汗都咁多人排隊。用OpenRice訂枱可以節省時間之外，仲有9折優惠！
新派泰國東北菜系小館 Tum Yen (ตำเย็น)
去到泰國要食泰國菜是常識吧，鐘情酸辣口味嘅朋友仔可以一試東北菜，因為泰國東北以高原為主，所以菜式調味亦比其他地區重。呢間新派東北菜館可以從Wongwian Yai BTS站或者Wongwian Yai火車站行過去，招牌醃藍蟹青木瓜沙律、東北泰式涼拌豬肉，同青咖喱等都係推介菜式。記得計劃好行程後先網上訂枱，優惠低至5折！
更多優惠推介： |
Live Band酒吧嘆特色小食 Muan Kuk (ม่วนคัก)
曼谷夜生活亦非常精彩，呢間酒吧餐廳唔單止由Sala Daeng BTS站行過去相當方便，仲有唔同泰國特色小食選擇。例如青木瓜沙律海鮮拼盤同各式炸物，最啱送酒。Menu上亦有各款泰式沙律、燒肉、咖喱同蛋包飯等選擇。酒吧逢星期三同星期五夜晚都會有Live Music。網上訂座可享低至7折優惠，Chill多晚都絕對唔會覺得肉赤！
高CP值地道泰國東北菜 Tamnak Isan (ตำหนักอีสาน)
泰國東北菜嘅另一特色係以農家菜為主，未必有精緻賣相，但就有一種純樸家常嘅感覺。就好似喺Ekkamai BTS站附近嘅呢間家庭餐廳咁就以地道同抵食做招徠，唔少曼谷人都會去幫襯。推介菜有香茅大蝦沙律、東北烤雞、泰式粉絲沙律、酥炸豬肉等，配埋酸辣汁一齊食相當Refreshing。最後用埋訂枱9折優惠，慳返一大筆又可以繼續Shopping！
仲有更多曼谷餐廳網上訂座優惠等大家逐一發掘，而台北同澳門亦有訂座優惠，最後提埋你日本東京、大阪同京都仲有唔少餐廳優惠券！用OpenRice apps輕鬆切換地區，揀啱心水餐廳或者優惠就可以先Bookmark，輕鬆收藏優惠慳到盡！
文：Cathy