度小月

營業中

休息中

講起度小月，相信如果係台灣常客的話...應該無人不知！澳門氹仔百老匯大街嚟間開咗兩年，今次係第一次去幫襯。論環境裝修，可以用舒服來形容吧！論食物質素...不過不失！但是如果要與台灣相比，感覺還是覺得台灣好食得多。論服務...職員吾太主動！下午茶時間大慨兩點左右...唔係特別多客既情況，order 都要叫幾次先有人serve！我同朋友分別每人 order 咗一碗招牌擔仔麵！碗麵嚟到...先知佢哋啲嘢嘅份量真係...細得可憐！你可以想像一碗麵竟然...兩啖就剛好可以食完！完全吾覺得有嘢落過肚既感覺。至於花枝丸...味道還不錯！可是$68得嗰四粒就覺得吾太值！叫做吾洗去台灣可以食到台灣嘢咁囉！

度小月是一間富名氣的台式料理，下午茶時段入座吃午飯，店內食客不多。一行六大四小，剛好有一個獨立廳房位置容得下，安排固然理想。 首先送上的是熱辣貢丸湯，內含兩粒爽彈可口的貢丸。湯底只是一般的清湯，無甚特別。樹子肉燥蒸豆腐用上的豆腐挺滑，樹子肉燥醬以鹹香味道為主，並微微帶辣。 炙燒胡椒肉雖然選用偏肥的腩肉片，炙燒後還是顯得有點乾。另外，期待中的胡椒香氣不夠穩實，整體評分只屬一般。三杯雞以熱鍋盛載，香氣被不斷迫出，份外誘人搶香。嫩滑的雞件，以九層塔的味道最為突出，並掛上輕輕的麻香酒味。喜愛濃味食品的朋友可以試試。 擔仔麵以清蝦湯作底，再配以肉燥、蒜泥、香菜等佐料而成。吃前先將各佐料與麵食拌勻，喜愛那份蒜香泛甜的湯汁味道。 肉燥飯一向是筆者喜愛的台式飯款，肉燥選材肥瘦適中，食味鹹香，只是份量太少難感滿足。 度小月作為一間富名氣的台式料理，食品水準上未能予人驚喜。作為平常飯局地點，可以試試。

我都太掛住台灣美食了，黎到澳門都要食！有曬心理準備喺五星級百老匯酒店，百老匯大街食度小月，起碼漲價幾倍。點知原來擔仔麵只係MOP$18/碗！實在太驚喜啦用夜市價錢就可以食到正宗台灣風味，好幸福阿～～　我用行動証明左佢有幾好食碗碗都清曬，連湯都乾埋！店內環境寛敞舒適，黎左兩日覺得澳門無香港咁擠逼，空間感好足夠，地方(酒店)好大，喺街度行personal space多好多，連煙味都聞少左。令成個假期可以真正放鬆好舒服古早味滷豆腐 $20個滷水汁係一絕豆皮好香，中間豆腐芯好嫩滑，一路淋汁一路食好正！超級推薦豆腐好滑好正，記得留起個汁撈埋飯擔仔麵及擔仔粿條　各$18肉燥既汁比豆腐既汁濃味，建議撈均曬成碗麵先食肉燥上面仲有啲蒜蓉，重口味，我鐘意！個蒜撈均後唔會太搶，令湯底味道更豐富。粿條係類似涼拌粉皮果種粉皮，但煙韌啲，我鐘意粿條多過麵。擔仔麵都爽口，基本上佢地既味道同配料都一樣，視乎個人鐘意邊隻麵底。但我就覺得.. why not both? 祖傳肉燥飯 $18出黎旅行唔可以帶咁細個胃~會蝕咖！食完麵繼續食飯～度小月既肉燥幾特別，佢既汁食完都會有骨膠原果種黏黏既口感，但佢放上碗既肉燥係比較瘦既

星期日12點到，空位仍有，服務員很貼心拉了張椅給我放背囊。擔仔麵：有蝦，肉燥，芽菜，份量無想像中咁少，有肉香及一點醋香，唔錯蚵仔酥：鹽酥蠔仔，入口香脆，咬落蚵仔鮮嫩，推介台南芋糕：是表面上有一層肉燥的芋絲糕，胡椒粉味太重蓋了芋頭味。肉燥飯：肉燥咸香，與白飯拌勻，好食

即興遊澳門，之前上網睇到百老匯大街有買一送一優惠 ，而我又好想食肉燥飯，所以就去左度小月食午餐，見到張order紙，食物選擇唔多，價錢尚算合理，雖然份量唔係話好多，但都叫做適中。食左5款食物，都覺得飽嘅！肉燥飯...同台灣食嘅味道一樣,份子都一樣...咁少!!貢丸湯...得2粒貢丸(已經食左1粒XDD),湯太油,冇下次!!羊城小油雞...冷菜,有驚喜,雞內嫩滑,亦不油膩,值回票價。買一送一的主角"""擔仔麵"""...唔夠熱,湯底好油。芙蓉炸豆腐...即係普通炸豆腐,豆腐炸得香脆,但落得太多七味粉,令到成件事錯晒,一D都唔夾。