六記粥麵

營業中

休息中

澳門🇲🇴📍六記粥麵 (沙梨頭)沙梨頭沙梨頭仁慕巷1號D地舖多年米芝蓮推介，今次就去試下先，晚餐必食🤤🌸六記祖傳滷水鳳爪豬腸$65滷水好入味，豬腸好肥美，鳳爪蚊到好淋，肉同筋好容易分開，好好食🤤🌸蝦籽撈麵$55表面勁多蝦籽，麵乾身，煙靭彈牙，但好難分開，如果share 食就要大力搣開。🌸馳名水蟹粥$260有兩隻螃蟹，蟹粥鮮甜，粥綿綿的，口感好滑。三個人念住叫一碗，但店員問要細窩定大窩，我話要最細，佢就話系細窩。點知見到隔咗枱，有一碗的，唉😮‍💨好似感覺不太好🌸炸鴛鴦$80（米通鯪魚球和炸雲吞）即叫即做，熱辣辣，不會太油，米通鯪魚球彈牙，表面有很多調味粉，雲吞蝦肉比較少，皮脆得脆口#澳門#澳門美食#macau #食好西#相機食先#手機食先#澳門好去處#週末好去處#六記#粥#滷水#鳳爪#大腸#蟹粥#蝦子麵歡迎follow IG ：eating_and_working _in_h

今日黎到MACAU~7點左右到六記大約等左15分鐘左右有位喇!一路等位一路見到出面姐姐既手臂力好勁~大大力用個篩,篩乾啲麵~原來係蝦子麵~咁一定要叫啦!另外又見到右邊既哥哥仔好大力去不停攪攪攪啲粥~唔係唔食呀!咁我就叫左炸鴛鴦、沙爹車仔拼盤、水蟹粥、蝦籽撈麵~炸鴛鴦好正, 真心正~佢係炸鯪魚球同埋炸云吞, 新鮮炸起炸鯪魚球, 彈牙~大粒~點埋蜆介好好味呀!入面仲有啲蔥...更加香~, 炸云吞, 脆卜卜~入面足料隻隻都有蝦! 正!沙爹車仔拼盤我就覺得不過不失! 唔會特別出色! 可能其他野太好味~ 哈哈!不過特別既係佢有麵筋~ 不錯!事關我食太多野😌 冇叫到一鍋水蟹粥 ...只叫一碗食！都有一隻蟹係入面！勁足料呀！足夠2個人食架！六記既水蟹粥我覺得好好味呀！好重蟹味 好鮮甜 而粥唔會太杰或太稀好適中！猛火煮粥 再加上廚房哥哥仔一路煮一路不停攪攪攪...點會唔正呀!最後既蝦籽撈麵~真係整得好好好夠乾身! 加埋d蝦籽食落好好味!撈麵最緊要乾身~ 正呀!六記係黎澳門必食既! 下次一定會再黎呀!  

匆匆來澳門一趟工作，結束時快要七點，可是還不能走，因為難得來一趟不吃點好的感覺愧對自己。認識這家店是因為看了Youtube某位網紅的推介片，於是把她推介的食物全點了還多加一碟炸鴛鴦。即使沒看過推介片，也大可直接看圖憑感覺選擇，反正是抱着一試心態。先來的是炸鴛鴦，顧名思義就是一碟兩味──米通鯪魚球拼炸錦鹵雲吞。米通鯪魚球炸得非常燙口，簡直是獲利回吐，已入口還得吐出來。雖然是現炸，但感覺仍欠一點脆口，不是不脆，而是未達至最佳狀態。鯪魚的味道淡淡充斥着整個魚球，我不愛吃鯪魚，這樣淡淡的反而挺好接受，要是重了就不想吃。蜆介醬稀成水狀，味道很淡，不容易黏在魚球上。有時候人就是想要吃一些油炸食物，尤其工作完畢辛勞後，這個雖然不是極品，但勝在熱力十足，脆度還是有的，不過談不上必吃，尤其是蜆介醬做得太差了。【提外話，餐牌上把鯪魚寫作綾魚.........炸錦鹵雲吞絕對要不得，這是咱一我們沒有吃完的食物，照片看着還好，實物像是曾被處以極刑，反覆油炸過九萬次，雲吞皮顏色暗黑，一股油膱味。餡料給很少，而且口感差，我都注意不來裡面有什麼，隱約覺得只有肉碎，反正就是從外到內都不新鮮。豉椒炒蜆整體不俗，蜆無沙肉厚

第二次去呢間野食野 lu~~ 去完大三巴由議事庭前地搭的士去六記都係HK$25有找, 大熱天時總好過3 個人行 20 分鐘去 gei 去到就等左十分鐘度啦，門口有好多蟹睇入到去鋪頭望下左手邊就會見到曾蔭權張相 炸駌鴦 -->1. 米通鯪魚球 ﹣﹣ 正!! 外脆內軟好彈牙夠魚味！！唔似出面有d鯪魚球咁唔夠魚味得 d 粉！！2. 炸雲吞 ﹣﹣ 普通啦 夠脆不過少餡 個汁只係普通gip汁（下次叫錦鹵雲吞試下先， 因為見到個汁好唔同)水蟹粥 -- 叫左中 size, 都夠三個人分, 包 2 隻水蟹, 夠蟹 gei 鮮味, 粥底又夠綿, 正!!

<<六記>>已經成為我和男友去澳門既代名詞當晚6:30PM去到門口經已有條小人龍排緊隊不過佢地多數都係4,5人所以我地兩個, 搭人地檯就快d入到和男友一人一個蝦籽撈麵, 唔洗爭蝦籽真係落得豪爽, 多到鋪滿整個碟而生麵就很爽口一碟份量我覺得可以接受, 太多就吃不落其他小食炸駌鴦米通鯪魚球同炸雲吞各五隻米通鯪魚球真係好彈牙而點既蜆蚧汁夠咸唔腥, 正!!而炸雲吞炸得唔錯, 冇過火不過個餡就太少喇!! 少到根本唔知食緊咩??最後男友好想食豬大腸份量多豬腸都洗得乾淨味道一般~

差不多八點才到達碼頭, 立即坐巴士到十六浦。安頓好後隨即出發去六記, 看過地圖, 出酒店門口轉左向油站方向一直行幾個街口, 走到路口會見到有檔炒麵, 就是很有名的細龜炒麵, 轉入去就是六記。要謹記六記6:30pm才開門, 門口放了很多蟹, 看見店員都忙著煮生滾粥。樓下只得六七檯,夠光猛和企理。來之前已不斷留意食評, 看看有什麼是必食, 盤算著怎樣叫才能試到最多東西。 剩雲吞$17:一碗有七粒,每粒都拖著漂亮的尾巴, 皮薄, 但其中有隻穿左,餡料有蝦和豬肉, 很鬆軟不實身, 湯底很鮮甜, 很有蝦味。 炸鴛鴦$34: 炸雲吞和鯪魚球各有五件, 兩樣都試勻。原來雙併的雲吞和錦鹵雲吞不同。配的是喼汁, 雲吞皮較厚身, 但一樣香脆, 炸得乾爽不會油淋淋, 包的是蝦肉。鯪魚球沾滿米粉粒, 更加脆口, 內裡的魚肉彈牙有魚味, 但不會腥。用筷子點些蜆蚧試試, 非常之咸, 但配鯪魚球吃就剛好。 鳳爪蝦子撈 $28: 鳳爪炆到好稔身, 仲夠入味, 醬汁甜甜地。平時好少吃手打竹昇麵, 這次終於見識到。麵條無太多鹼水味, 但好彈牙煙韌, 淥的時間o岩o岩好, 不會稔身,好乾爽, 但又不會一夾就成箸。蝦子

去過咁多次澳門, 都係第一次食六記, 都幾掂!!!鹵水鳳爪拼大腸 ~ 鳳爪好腍超好味, 鹵水大腸好多舊都好肥呀, 好彩d friend 唔怕肥啫!!炸鴛鴦 ~ 米通鯪魚球拼炸雲吞, 鯪魚球好好好好食, 炸雲吞無乜特別, 下次唔會order lu!!淨雲吞 ~ 都係香港好味啲, 魚湯底!!蝦子撈 ~ 超多蝦子, 細細碟..要encore添!!水蟹粥 ~ 蟹粥都好鮮甜, 不過唔夠綿, 蟹就無乜肉!!