888 自助餐

營業中

休息中

睇完大家評語結果去試!去到先知唔係大家講的$16x 個價...係$288/位+10%....算啦!都來到冇理由唔食!有金沙會卡免加一好...講下d野食先!- D法國啡蟹好多膏好好食!不過食2件都好夠(好高膽固醇呀...)- 刺身都幾新鮮, 係冇甜蝦?..- 火焰和牛壽司正...- 羊扒..正! ...- 生蠔個邊黑"蚊蚊"唔敢食太多!不過唔錯- 長腳蟹都OK,不過咸左D...- 鐵板和牛粒有D煮得過火, 硬DD...- 蝦天婦羅,個脆皮厚過頭,薄D更好...- 甜品款多, 但甜過頭...- 生果...好大件,要用刀叉切...不過冇得食燒牛扒...

成日喺報章雜誌睇到話呢到嘅buffet好抵食，所以落船，大家殺到去金沙book位，由於食buffet地方位於賭場內，所以十八以下小朋友就無緣去試。首先係價錢，$218加一，真係唔貴，以呢個價錢於HK食，只可以食個tea or lunch buffet，何況呢到係勁多野食呢有冷盤、熱莗、魚生、甜品、飲品(橙汁、酸梅湯、蘋果汁)任飲。雖然生冷食物唔係我杯茶，但眼見同事不停食蟹腳、生蠔、凍蝦等就知道應該不錯，但我就只試左少少蟹腳，我試嘅就頗咸，但同事果啲就有咸有唔咸，唔知點解? 可以用鹽水浸洗過。我試嘅主要係熱嘢，雖然唔係咩名貴菜，但整體做得不錯，而且開房式kitchen，大家可見到師傅不斷即整食物補給。甜品方面大家最愛就係疏乎理，因為係即整睇住佢出爐，所以不少人排隊等，依家細細杯，所以一食再食。服務方面，侍應都好nice，碟都清得好快，比起HK酒店啲侍應真係勝一籌，抵讚！