影片
更多
2017-10-24
1493 瀏覽
過親馬交都一定去呢間野食。睇落就普通茶仔一間，雖然食落都係，但佢有一樣野絕不普通，就係佢既蟹黃撈麵真係要極力推介。由大概10年前佢$20一碟，食到今年佢加到$40一碟，仲要過左2點好大機會賣晒，你就知道佢真係好好味。要留意既係，佢D撈麵唔係講緊街邊D印尼撈或者一般香港麵檔D咩咩南乳豬手撈麵。佢個撈麵完全無鹼水味，而已蟹皇味好香。總之就係澳門美食界既蒼海遺珠啦~!除左蟹黃撈麵之外，香煎墨魚餅都係極力推介，不過記住叫佢落勁少油煎，因為正常佢會落好Q多油，好似D油唔駛錢咁。如果食完覺得好味，返到香港去街市買D墨魚滑，自己調少少味再煎香，味道都有7/8成似...今次仲試多左花枝片撈麵同花雕雞撈麵。花枝片撈麵就唔駛多講，兩個字俾你揀：一係難食；二係中伏。但好在花雕雞撈麵都算唔錯，可以一試。花雕汁又香又好味得來而又唔會令女士覺得酒味太重嗆喉，如果兩個人去可以考慮下一個叫蟹黃撈麵，一個就叫花雕雞撈麵。P.S. 以前就算下午去都仲會有蟹黃撈麵，今次去唔知點解2點後都已經賣晒。有興趣既就早少少去當食Lunch，或者去之前打個電話叫佢留低先。P.P.S. 如果你照住搭的士去，照住個地址「新橋(三盞燈/白鴿
要留意既係，佢D撈麵唔係講緊街邊D印尼撈或者一般香港麵檔D咩咩南乳豬手撈麵。佢個撈麵完全無鹼水味，而已蟹皇味好香。總之就係澳門美食界既蒼海遺珠啦~!
蟹皇撈麵
$40
240 瀏覽
0 讚好
0 留言
除左蟹黃撈麵之外，香煎墨魚餅都係極力推介，不過記住叫佢落勁少油煎，因為正常佢會落好Q多油，好似D油唔駛錢咁。如果食完覺得好味，返到香港去街市買D墨魚滑，自己調少少味再煎香，味道都有7/8成似...
香煎墨魚餅
$70
66 瀏覽
0 讚好
0 留言
今次仲試多左花枝片撈麵同花雕雞撈麵。花枝片撈麵就唔駛多講，兩個字俾你揀：一係難食；二係中伏。但好在花雕雞撈麵都算唔錯，可以一試。花雕汁又香又好味得來而又唔會令女士覺得酒味太重嗆喉，如果兩個人去可以考慮下一個叫蟹黃撈麵，一個就叫花雕雞撈麵。
花雕雞撈麵
$38
131 瀏覽
0 讚好
0 留言
花枝片撈麵
$35
54 瀏覽
0 讚好
0 留言
P.S. 以前就算下午去都仲會有蟹黃撈麵，今次去唔知點解2點後都已經賣晒。有興趣既就早少少去當食Lunch，或者去之前打個電話叫佢留低先。
P.P.S. 如果你照住搭的士去，照住個地址「新橋(三盞燈/白鴿巢)沙梨頭南街29號」，我都幾肯定10架的士9架唔知你想去邊。其實直接話筷子基近提督街市對面，D司機會易知道好多。
香煎墨魚餅
$70
64 瀏覽
0 讚好
0 留言
張貼
