坤記餐室

營業中

休息中

呢間餐廳一路都係我最愛嘅小餐廳。尤其呢度可以食到馬介休魚頭，好多地方都已經搵唔到，份量大到嚇死人價錢相宜。對於馬介休愛好者來講呢度可以食得到晒所有馬介休嘅菜式。 另一邊廂酒水也相當便宜，唔需要問有啲咩酒，其實好隨意地十幾$20就已經可以飲到一杯打發一個下午 毫無壓力。我希望佢可以重新開返，因為呢個一路都係我唯一最鍾意既小店喺澳門食嘢嘅選擇。

十幾年前同屋企人去澳門玩，食過兩餐葡國菜，午餐係有名氣嘅葡國餐廳，好食係好食，不過貴夾唔飽，反而晚餐隨意搵嘅一間、似菜餐廳格局嘅餐廳，真正又平又好味，食到好滿足，所以一直都對傳統葡國菜，留有一個好好嘅印象😆多年後再同朋友重遊澳門，多謝介紹傳統老店，令我又可以一嚐正宗嘅葡國菜滋味😍

一坐低， 侍應姐姐馬上棟係度催落單，十分之勤快！之後我哋點咗支汽水，炸馬介休球同埋燴牛脷，點完碟牛脷侍應姐姐即刻就問：「要唔要菜？ 」咁照上文下理我哋當然就以為佢問牛脷要咩配菜啦，所以就揀咗個菜。之後我地差唔多食完餐飯，佢就上咗個「菜」，我地仲以為佢哋送錯枱，點知原來係位姐姐好好心咁驚我地食唔飽所以分開點咗個菜俾我哋，多謝哂！ 再講食品質素： 差。 炸馬介球- 涷冰冰， 得幾條魚絲。燴牛脷 - 淡， 適合食得清淡嘅人士。埋單時候我地同收銀理論， 嗰碟「菜」我哋冇掂過冇食過而且唔係我哋主動點嘅菜， 但係店方仍然唔肯讓步要我哋照俾嗰碟菜錢，話係「溝通問題」， ok fine, 我俾冇所謂， 當買個教訓，不過你坤記以後就少咗兩個客囉。永別。

對上一次到澳門，有幸在姐夫介紹下，品嚐到澳門地道既土生葡菜。要講到當地人必推，甚至被列為地標的百年老店，莫過於水坑尾街上的「坤記餐室 」。「坤記餐室」於大三巴走路約20分鐘路程，非常適合去完大三巴牌坊打咭後再去品嚐一下正宗土生葡菜。「坤記餐室 」由1918年開業至今，已成百年的老字號餐廳，亦係第一間由華人開設既葡菜館。除了少數好似我地呢類型既觀光客外，更多的是老外面孔的土生葡國人。坤記以「葡國鄉下菜 」的概念出發，裝潢好似一般舊式茶餐廳。跟一般華麗既葡國料理相比，坤記既價格就顯得非常實在，而且份量飽足，CP值極高！餐牌上沒有一般華麗既菜式，只有非常平民實惠又能飽肚既菜式。值得推介一試既有：煏牛尾 ～ 牛尾也是葡國菜中幾乎都會出現的食材。但坤記的牛尾賣相就談不上吸引，色調淡，還覆蓋了許多蔬菜，點樣睇都同心目中的燴牛尾相差甚遠🤔。但勾的薄芡汁配上蔬菜，入口卻有種粵式菜既口感，加了葡國砵酒，文火慢燉六小時，食既時候覺得入口即溶，但咬落去卻還帶有彈牙口感，一絕👍🏻👍🏻👍🏻燒魷魚 ～ 坤記的燒魷魚是坤記百年來少見的新菜式。多半葡國菜系的魷魚都是用涼拌或酥炸的手法居多，但坤記用燒的，微酸帶著淡淡豉

🇲🇴坤記餐室·葡國燒雞$65 l 燒豬柳$85 l 雜菜湯$14最後呢間係我地經過見到好多人食 所以跟住食既 佢價錢超級實惠 係類似澳式既葡國菜咁😎我自己比較中意佢個燒雞 佢個雞好嫩 雖然調味濃啲 但係好juicy🐤不過佢呢個雞係真係煮得太岩岩好 骨頭附近仲有啲啲血水 我自己覺得可以煮耐啲😂😂之後個豬柳就同我想像中有啲唔同 佢食落似豬扒多啲 無燒雞咁出色🐷📍坤記餐室 (新馬路水坑尾街264號地下)·#rbytravel #rbymacau

#搞串個pantry🐮葡式煎牛肝($95)似係巨型版豬潤😋，有油脂香味，同埋內臟嘅特色香味，配埋蕃茄🍅酸甜嘅清新鮮味，好正。不過今次牛肝切得比較薄，而且煎得耐咗，韌咗啲，上次嚟食感覺更加正🤤。🐥燒雞一客(四分一隻)($65)雞肉好多肉汁，又有雞油香味🤤，仲流咗好多汁出嚟，好邪惡😈，好食！雖然有少少老，但係因為好juicy好軟，口感意外地唔錯。攞濃郁嘅肉汁，撈焗薯或者餐包食🍞，都好正。

的士司機介紹這間葡國菜，沒想太多直接去了。去到才發現都是本地人吃的餐廳，雖然價錢很中肯，但是味道也很Local。簡單來說就是本地人的飯堂，不適合我們找美食的遊客。點了個牛尾，那個醬真的一言難盡⋯ 不是難吃，但的確不太好吃。還有個牛肝還勉強可以吧⋯ 最後有個馬介休沙律，應該是最好吃，因為那些菜夠新鮮⋯ 所以其實他們沒有煮的東西最好吃。不會再有下次，都不建議別人來這裡。好吃的葡國菜太多，感覺自己浪費了一餐的quota在這裡。

以前見人介紹，話呢間係平民好食既葡式餐廳，行過就去試試，服務方便就唔講了，預茶記服務，入到去就見到都仲有幾枱位多(嗰日公眾假期)，之後就跟左佢特別推介既餐牌叫左三樣嘢。1.馬介休算係唯一一碟食得完既餸，好普通，feel到係用萬年油炸起2.葡式牛肝係大塊既，不過唔知食一舊咩嘢，加上配茶有淋哂薯條3.葡式豬柳根本係似一舊煲完湯既碎豬扒再番煮，又靭又多根又冇味叫餸嗰陣直接就問我要飯定麵包，冇講過係外加，埋單時先知加錢叫多兩枝可樂(成餐最好味)埋單兩位成mop300係香港求其搵間茶餐廳質素都仲好食

今日大概12：00去左呢間餐廳，一坐低，就有侍應俾餐牌睇。本身逐項睇下，睇下有冇葡菜式咁食同試下，因有地方都話呢間係廉價葡餐餐廳，十分好。帶住期望入左去，一入去，啲光線唔係好夠，無乜裝修，唔洗等就有得入。環境點樣都唔緊要，因為都係諗住食好西都無所謂嘅。跟住係度睇緊餐單嘅時候，餐牌都未睇得明，就俾人催落單，最後落左2個餐，分別係煏牛脷飯同沙丹牛扒飯。第一個餐好快到，就好似係羅宋湯啲渣+2片牛脷咁大把，盛惠50元。其實一啲都唔好食，整個公仔面都好食過呢個飯，真係好求其咁囉。另一個餐都等左一陣（利申：我係食呢個等左一陣嘅餐），又見到係羅送湯入面撈出黎嘅三舊冬瓜+一塊牛扒+2舊蕃茄+2條火腿（6cmx2.5cm）+煎蛋，感覺都ok la。啲料好似都幾多，唔特別好食。其實都係果句，揾個地方食個晏，食個好西就好滿足，可惜呢間一定唔ok。但由嗌完到離座都唔夠30分鐘，其間因為有個餐要等先坐到30分鐘，真係多謝哂！食到好似要滾水淥腳咁款，我用左大概15分鐘就食哂，跟手啲侍應就急急腳收哂野，個feel極度似趕人走咁。到食物質素一般般，唔特別好食，一個豆腐火腩飯完勝！呢間餐廳係茶餐廳咁款，不過食到咁急又唔

夜晚同老公行完街入咗呢間葡國餐廳，諗住試下，點知中伏本身我唔係對葡國菜情有獨鍾，但試完呢間餐廳係食到成肚氣叫咗個以下食物，本身冇諗住寫食評，抱歉冇影到相，除咗令我印象最深嘅馬介休吉列豬扒飯1）無花果茶（凍），味道一般，普通有甜味嘅茶2）薯蓉青菜湯，薯蓉都溶哂係個湯到，基本上係青菜湯，唔信又可以以身試伏3）燒雞薯仔，味道冇咩特別，燒雞皮唔脆唔熱，薯仔叫最好食4）馬介休吉列豬扒飯，劣食，未食過咁差嘅碟頭飯，啲皮同肉係分開，肉係乾身，皮當然都係乾，仲要唔熱，同個老闆講，佢話係炸粉黎，話正常一定會有炸粉，正常佢間餐廳嘅豬扒都係咁嘅樣，咁我梗係知有炸粉啦，炸野邊個唔知有炸粉，本身我都少食葡國菜，唔知係未葡國菜嘅吉列豬扒都係咁樣，真心唔推薦呢間餐廳，冇話消費者大哂，但夜晚行到攰，都係想食間餐廳正正常常，碟頭飯本身冇咩要求話要整到點樣好食，但呢間餐廳無論係食物質素定係老闆態度，都令到人食到成肚氣！

一餐好失望嘅葡國菜，嘢食全部冇乜特別，唔怪得知夜晚七點已經咁多吉枱。牛腩炆得太林，完全冇口感，芙蓉腸仔蛋飯普普通通，唯一唔錯就係呢杯無花果茶，不過可能嗰日行得太多，飲凍飲特別正啲😆

🤤薯蓉青菜湯 - 點單完畢後，店小二問喝湯嗎？問她有什麼湯，當聽到其中一款是有薯仔的，在下立馬雙眼發光，繼而連環點頭並毫不猶豫說要喝。😂端上來的湯有青菜一大堆，澳門朋友說她們會下點橄欖油同喝會香點，於是小的下了點才喝，一大堆菜香先襲來，薯蓉份量應較少，所以湯也是較稀身。🤤之後上來的是暖乎乎的鬆軟麵包，就算淨吃也美味，若不是胃納有限，小的定必再下一城呢。🤤葡式燴牛尾 - 節瓜椰菜胡蘿蔔牛尾也燜至非常入味。🤤炸馬介休球 - 幾乎每次吃葡國菜也有葡式鹹魚的蹤影，此炸球薯蓉綿滑，鹹魚的份量很少，正合我意。🤤乾免治薯粒 - 炸薯粒，洋蔥碎，免治肉加上煎蛋，淨吃固之然美味，夾在麵包內同吃也一流。🤤葡國燒雞 - 肉質稍乾。🤤葡式燴菜 - 應該是節瓜吧?不太清楚醬汁是啥，頗好吃就是了。🤤炸撻沙魚 - 附上檸檬一角，不過店員卻建議我們伴上放在檯上的辣椒醋同吃(忘了拍照)，那樽辣椒醋其實絲毫不辣，反而醋的氣味很強烈，是極愛呷醋如我者的恩物，炸過的魚肉，肉質仍然嫩滑。🍑吃葡菜最喜歡的，就是她的配菜大部份都是薯仔，薯仔及薯仔，薯怪如我者可吃個夠呢。🤣

喺澳門點可以唔試下葡國菜呢🤘🏻呢間有唔少報導都有介紹過，算係平民價葡餐🧞‍♂️叫左幾味餸:1️⃣燴牛脷：推介🤘🏻🤘🏻冇怪味，而且汁配冬瓜等等配菜都好夾2️⃣燴牛尾：好軟熟，入味🥰3️⃣炸馬介休球:似薯波4️⃣半隻雞: 似炸子雞，雞肉鹹香，雞皮夠脆🧞‍♂️注意份量唔算大，4人叫6-7碟都唔會太多

坤記餐室，可謂歴史悠久的澳門餐廳，還有因為價格優惠，所以客人非常之多，人來人往。葡國汽水也是他們的招牌菜式之一，因為不多餐廳有所提供。烤豬扒，味道不錯，伴上橄欖油更見美味。基本上吃葡國菜，什麼也要伴點橄欖油，才算地道。馬介休球也是每次必點的菜式，香脆帶咸的薯球。炸魚，則略嫌太乾，味道不怎麼樣咖哩牛腩，配飯一流，大家也喜愛炒飯（忘記菜名），味道很好，不太油膩，單吃炒飯，已經很美味。葡國雞，水準也是穩定，吃葡國菜，怎可不點。經濟實惠，值得推薦

嚟到澳門探朋友，就梗係要問下佢有乜嘢葡國菜好介紹啦，而佢就介紹咗呢一間佢由細細個已經食到而家嘅平民葡國菜。(我諗就應該好似我哋香港人食花園餐廳嘅感覺啦😂)我哋兩個人就叫咗四樣食物: 1) 薯仔菜湯 (5/5) 呢個湯本身冇咩期望，諗住應該好普通，因為都係想飲下例湯姐。點知呢個湯有啲似阿媽平時煲嘅西洋菜湯，再加上一啲薯仔，飲落都幾好味，完全冇菜嘅苦味。2) 炸馬介休球 (5/5) 完全唔油膩，而且外脆內軟，十分推薦，食葡國菜又點少得馬介休呢！3) 豬仔包 (4/5) 呢個豬仔包係要自己將啲燒豬柳擺入個包度，同出邊食嘅有少少唔同，你亦可以唔需要夾住個包去食。記得叫店員俾返啲茄汁你撈埋洋蔥同埋青瓜、蕃茄一齊食啊！4) 辣沙甸魚沙律 (5/5)話就話辣，不過其實都唔係太辣，同枱朋友唔食得辣嘅都完全冇問題。食到咁上下覺得個沙律有啲乾乾地嘅時候，記得問佢攞返一罐葡萄牙牌嘅橄欖油啊！成件事即刻有風味左！