影片
以上資料只供參考, 請與餐廳確認詳情
去到了氹仔官也街行了一陣，望望隻錶已經是一時半，記得附近有一間食肆的椒鹽九肚魚非常出名，就立即去試試。地點對正澳門官也街的鉅記，非常易找。入到去想坐樓上但伙計說樓上滿了只能坐樓下了。叫餸當然首然椒鹽九肚魚，再叫了一個薑汁炒芥蘭和腰果珍肝。椒鹽九肚魚 ($35細)果然名不虛傳，粉少油少所以唔油膩，以為是炸物就一定油膩就估錯了，魚肉好滑但唔會散，真係未食過這樣好的椒鹽九肚魚，果然係鎮店之寶。薑汁炒芥蘭 ($30細): 人家說這裡的芥蘭是自家種的，雖然我不知是真是假但食落好嫩唔苦，鑊氣十分，正腰果珍肝 ($35細) : 由於小時在澳門食過，所以來到澳門的傳統食肆都會試一試這一個餸，非常令人懷念的味道，腰果和洋蔥炒得好好，雞肝和雞腎非常好食，非常滿意。聽人家說這裡是開中午十二時至二時，晚上六時至八時，星期一二休息，原來是真的，我見有個客二時多一些來到，伙計們說已經收了爐，真係唔休做，如果我今天再行多一陣來都試唔到了。而且更加聽到它們2009年12月20日開始放十天假期，(發了達??)要來就不要這些時間來了。成餐盛惠$114，平到笑。
繼續閱讀
乜都唔使講, 有幾款菜是必吃的1. 豉油雞, 是新鮮雞, 各位, 不是冰鮮的;2. 薑汁芥蘭, 聽說是店裡的人自己種的, 勁爽甜;3. 椒鹽九肚魚, 這味菜, 令平時不吃魚的人也會破戒;4. 紅燒豆腐, 豆腐好嫩, 仲用珍肝炒添, 簡直就是bonus;5. 懷舊燒肉這小店, 就在氹仔手信街上, 不要錯過, 不過這店逢星期一&二休息, 每日只做午市12:00-2:00 & 晚市 6:00-8:00, 真是唔憂做.
繼續閱讀
自己好少去澳門，呢日去到澳門都已經差唔多兩點。一早諗好去大東食，但因為大東午市只係營業到兩點半，所以都有D擔心去到唔知仲有冇得食。我自己未食過，但因為同行的Uncle, Auntie之前來過吃，感覺不錯，所以決定去這兒吃。係氹仔臨時碼頭打的過黎，兩點零五分抵達大東。一入到店，樓下人也不少，張張枱都有人。我們上了樓上，四個人坐了一張大枱。問阿姐有冇好介紹，佢推介燒肉。我地另外要了油泡鴛鴦魷、薑汁芥蘭、豉油雞、椒鹽豆腐。見牆上餐牌原來餸菜有分大小，趕忙問阿姐幫我們落的單是大是小，回應說小的份量可以了，所以幫你們要了小的份量。(嘩，很體貼呢~)要鼓油雞因為見有食家推薦，不過我就覺得不過不失，或者隻雞有少少過肥吧。反而平時不愛吃燒肉的我吃燒肉吃得津津有味。燒肉不但不肥，也不過廋，加上皮又脆，切得細細舊，十分易入口，真的很好吃。那個油泡鴛鴦魷也十分美味。薑汁芥蘭用的是蘭度，不會過老，又嫩，good。椒鹽豆腐炸得脆脆的辣辣的熱熱的很惹味。加上四碗白飯，埋單也是$22X，食物美味，不貴。最後當然全部清哂，走既時候都兩點三十幾分，因為上菜很快，結果吃得也很快。因為離開都已經過了營業時間，所以到樓下找數時，早已沒有食客，只尚餘兩位在樓上。店員見我們拍照，還無任歡迎添。如此好吃的食肆，下回再來澳門還想再吃呢~
繼續閱讀
或者因為我食野要求高, 同埋係生客, 我覺得好似無以上各位講嘅咁好.首先, 以上推介嘅菜式, 除左粟米魚肚羹外, 其他一律欠奉. 仲要有個遲過我地落單嘅人都叫到個d菜式, 或者佢將d餸留哂俾熟客啩.跟住坐低, 叫人落單就俾d伙記推黎推去, 而且有熟客就招呼佢地先, 等左都幾耐先有人真真正正黎問佢有咩推介, 佢就係咁推介燒味. 講真, 香港d燒味一定好過佢好多啦=.= 或者因為我地得三個人, 仲要一碟燒味都無叫, d伙記有d晦氣咁話"你咁樣叫餸, 好耐先至得架bor" =o=講番d餸, 粟米魚肚羹都幾大窩, 廿幾蚊黎講都ok, 但係個"羹"真係好稀, 少少魚肚同栗米但水多多椒鹽豬扒味道唔錯, 幾香, 但係豬扒略嫌韌.時菜炒牛肉, 不過不失, 但係碟頭真係好細豉椒魚雲味道唔夠, 多d豆豉會好味好多.要左三碗飯, 不過佢連飯都好細碗=.=整體黎講, 服務麻麻, 味道一般, 碟頭非常細, 每樣餸廿七,八蚊.到底抵唔抵食, 就見仁見智lu.
繼續閱讀
又係我百份百澳門人介紹大家食好野啦!!!今次想介紹ge係大東飯店, 佢係正手信街...鉅記對面~first 食好野唔好淨係睇佢ge外表.........佢ge舖頭雖然唔係好靚裝潢~但係佢d野真係好好味, 好有住家feel!!!!!!全由老板娘自己下廚, 我由細食佢食到大....1."燋鹽九肚" 我ge第一至愛, 大東真係無人唔識我!!! 我逄星期日都會一家去食飯ge, d "靚e" 實留返一份俾我ge....而家去左外國讀書, 超級掛住佢呀!!每次一落機第一時間就去食~唔洗驚有骨呀, 全部去曬!!!我包你全港澳一定未食過俾大東更好ge鹽九肚, 真係唔食實走寶呀!!!!2.. "是油雞" 一定要試呀!!!每次去我地都會叫, 佢ge特別配方整ge....食落口隻雞又有口感味度十足!!!!!3. "叔米魚肚更" 唔好意思, 我d中文, 我諗你地明我想講咩ge...hehehe!!! 雖然你話le 個屋企都熟到,但係可能我食左佢十幾年啦....覺得佢係唔同d ge~真好好味d ga, 最緊要係落埋pepper 一齊食bo!!!4. " 燋鹽骨" le 個小朋友實鍾意呀, 想當年我係小朋友唔係好鍾意食肉都鍾意食!!! 因為佢真係好香口~5: "咕嚕肉" le個又係另一個金牌餸, 如果想食一定要訂ge!! 同出面d 係絕對唔同, 如果唔係都唔洗你訂先有得食啦!!!! 6. "紅燒豆腐" 真係好靚ge 一個餸....不防一試!!!大既甘樣已經食到你好飽好飽ga la.....不過佢多數都係做熟客, 如果你想試...最好訂位啦!!!唔係去到有都唔俾你呀, 因為預左d熟客去ma, 姐係好似我le d....hahahaha!!!記住一定要食燋鹽九肚呀!!!
繼續閱讀