影片
以上資料只供參考, 請與餐廳確認詳情
🇲🇴澳門有好多好得意既街道譯名，呢間店用呢啲趣緻既名稱來整咗一個好活潑既餐牌，可謂心思十足。因為食既時間係下午茶時間，今次我哋都揀咗肥胖圍既食物。我哋分別揀咗傳統豬扒包、黑松露炒蛋配牛角包及滑蛋芝士豬扒菠蘿包。我要特別介紹滑蛋芝士豬扒菠蘿包，呢個包既製作時間特別長，所以等左好耐先至有得食。佢既賣相同味道真係十分一流。菠蘿包有一個好光滑好香脆既表面同好軟既包身；巨型既豬扒咸甜度適中，而且冧得嚟帶點彈牙；塊滑蛋好滑，食落有蛋汁；個芝士經過加熱後變得入口即溶；整體口感同味道都好有層次感，份外好味。呢間店既豬扒包比其他澳門要排長龍既豬扒包更好食😋算係今次澳門遊既驚喜。店舖亦都會派手套給叫了包的客人，方便進食，是細心的表現。#梳打冰室 #滑蛋芝士豬扒菠蘿包 #澳門 #筷子基
繼續閱讀
您可能會有興趣的...