榮暉咖啡美食

營業中

休息中

嚟到澳門想食雞湯米，即刻諗起榮暉，睇openrice 話佢裝修緊， 即刻打電話去問下，好彩原來已經裝修完十幾日， 就起行去喇。重點食佢嘅雞湯米， 有九個讚呢個雞湯米湯底好正，湯底有雞，冬瓜，紅棗， 杞子，雲耳， 芫茜 ，仲有淡淡的酒香 ， 紅棗味突出，湯底清甜唔油膩， 米粉爽口，唔會過淋。雞件幾嫩滑， 冇乜雪藏味 ，仲吸收咗紅棗芫茜嘅味道仲有啲酒香，唔錯。 湯底嘅其他配料都好好味，譬如杞子甜甜地，冬瓜就吸收曬湯嘅精華， 非常讚。35蚊食到呢個雞湯米真係好抵。之後試咗佢嘅煙肉芝士包， 有八個讚包身焗得好脆，入面有一塊煙肉同芝士， 雖然無醬汁，但芝士焗到半融狀態，鹹鹹哋，已經成為一個好好味嘅汁，再加埋煙肉都係脆身唔算油膩，整個包做得唔錯。順帶一提，叫左杯凍檸茶，完全唔掂， 檸檬無味，茶身澀口，可以慳返14蚊整體嚟講，喺榮暉食左呢兩樣嘢都好好食，下次去澳門一定會再去食過。

隔了很久才打食評，因為佢嘅味道有啲難去形容。我食雞湯米，走芫荽。材料有冬瓜，雲耳，杞子，紅棗同雞。冬瓜好入味，雞湯底都幾好味。成碗粉類似金針雲耳蒸雞的味..米粉好大碗，但係成個感覺好似用金針雲耳蒸雞加水煮面咁。味道是幾好的，但係我太習慣金針雲耳蒸雞嘅味道，所以我對佢有少少偏見，唔係甘鍾意。另外我仲叫咗一杯蜂蜜柑橘，睇餐牌嘅時候唔知道係咩黎，所以叫一杯試吓。原來即係鹹柑桔，黑色果種，喉嚨痛沖水飲嗰種，所以有少少失望，因為我以為係從來未飲過嘅特色飲品...

偶然機會試吃了1碗雞湯米，雞湯味超濃，在其他咖啡室從未吃過如此美味的湯米，有一種一試難忘的感覺。當時從2位較年長夫婦的食客言談中得知......原來他們2位風兩無阻幾乎連續多年每日下午都過來這家店一起吃下午茶。如此忠誠的客戶真的太難得了，可想而知這家店的出品是絕對值得信賴，建議店家可在氹仔開設分店，令氹仔的食客也能夠品嚐到美食。超推薦「雞湯米」

本身想食隔離街既榮記～～但我太晏去了收左工～就去試朋友推介既榮暉～一試驚為天人～好好食呀！！！！！我地share 食因為澳門真係太多野食～食唔晒～好好味～～下次想試埋蒸魚頭～～

重點係個湯，超濃，好重雞味但又唔勁葯材味，好易入口！啱晒d想補身但又怕陣中葯味嘅朋友仔今次再叫埋由澳門地道傻婆推薦嘅「墨魚餅」，真係無得頂👍🏻！炸醬唔會好厚，又脆，配合雞湯米軟身嘅質感，真係無得彈若果朋友仔你鍾意食魚雲，有個「魚頭米」都超正！用料十足，食完d魚頭已經飽左一半。因為湯底係「天麻川芎」，所以葯材味會重d，好怕葯材味嘅朋友仔，就要注意啦！ 想試嘅朋友都要留意餐廳營業時間吖，唔知係唔係生意太好，佢地收17:30㗎！宵夜千祈唔好揀呢度吖，費事摸門釘

相隔多年再次造訪呢間小店店內仍舊充斥著街坊韻味與多年前光顧時差不多由於時間尚早店內座位坐了一半大半是本地街坊由於早餐都未食朝早一落船第一站就黎榮暉食米粉啦點左兩個米粉加一杯薑樂馳名雞湯米湯底香濃配菜有紅棗雲耳冬瓜同芫茜芫茜浸落雞湯更加香冬瓜索晒湯既精華米粉夠軟身但又唔會過淋身另一個天麻川芎魚頭米我只試了少少湯味都幾重藥材味喜愛與否因人而異魚頭分量大足湯頭聞落去都幾香的由於落船有點涼叫左杯薑樂暖下身味道是不錯的本身係薑fans如果薑的份量多一點就更好

澳門另一樣出名既野食：雞湯米，今次到賴生帶屈小姐去試下，享受下澳門既特色地道美食！為左隆重其事，賴生搵左Mr. O同Mr. Google大神2位通力合作，成功搵到呢一間《榮暉咖啡美食》（好耐之前賴生曾經比妒忌既(?!)Mr.O跣過一鑊）拖住屈小姐周圍行，周圍去，間中停低幫佢影下靚相，呢種生活好relax呀! 屈小姐面上既笑容滋潤住賴生既心靈，感覺好幸福呀！雖然行左好多路，但屈小姐毫無怨言(因為係佢時時刻刻都諗緊下站去邊度食好西) 有妳真好行行下就到榮暉啦！一間普通茶餐廳既外貌~ 不過店員服務超好！一黎就比我地坐卡位，奉上2杯熱茶，即使我地2個人share食一碗麵同一碟菜，佢都超好招呼，仲主動拎碗仔比我地好貼心！招牌雞湯米 （4.5星）- 勁大碗，有米粉，4件大雞件，冬瓜2件，紅棗，杞子同荽茜！好足料！- 湯頭好甜！有少少藥材味，配米粉食好夾，只係略微有點油 (始終係雞ma~)- 雞好好味！入味得黎肉夠彈同實！應該係新鮮雞黎架- 冬瓜好淋好入味！勁甜芥蘭 （4星）- 好大碟！值得食~屈小姐食得好開心呀！證明佢好滿意！呢餐好味得尼又平！Yeah!# 去旅行都要食下菜既~#用心爲妳挑選#只為

是日是珠澳4天的最後一天，黎得澳門又點能夠5探下榮暉呀!喺橫巷中 左穿右插，終於黎到了十月初五街中不太起眼的一間玻璃門面舖位!走入店中，位置坐滿人群，明明是平日，人流依舊熙來攘往，等了一回，有人離開，坐下舒適的卡位!不用多說，原汁原味雞湯米一碗!menu清晰可見，雞湯米在第1位，並他都有幾款不錯的，下次留肚再戰!不消十分鐘，雞湯米隨即送上，材料真豐富，用上原隻隻鮮雞煲了許多小時的濃湯，再奉送許多木耳、冬瓜、杞子、紅棗、青菜等等，一碗營養爆燈又健康嘅米粉可以令你流哂口水!煮濃味野5難好味 但寫清淡派的菜式都幾巧功夫，太淡，又喪失了令人想吃的慾望，太濃又蓋上其他茶的味道。呢碗湯，味道恰到好處👍👍👍鮮得來帶甜，甜得來帶點微咸，相信集合了所以材料的精華所造出的味道!啲木耳好爽口，而冬瓜好淋好入味，與湯底的味合二為一，可以直吞不用咀嚼😉杞子同紅棗5會因為煲過喪失味道，依舊甜蜜，依舊補身雞肉才會重頭戲! 原雞斬件，所以每個部份你都有機會派到，呢碗有一些雞胸及雞腳，雞胸5算太鞋口，肉質能撕開 5會太老，可以嘅!雞腳好彈牙，不過有少少實左啲，應該分開時間烹煮!米粉索哂雞肉嘅精華，令平平無奇又淡而無味嘅

十月初五街有不少老店食肆，除了本地人幫襯外，現在也成了遊客追捧的食店也很多！例如這間餐廳，五點後就關門，因為不是專做遊客的，所以今次中午就去食，而且好食到停不了口，食完一碗又一碗，兩人共吃了四大碗！！！

每次來澳門也愛到十月初五街內走走, 看看有甚麼美食..., 是次來光顧榮暉咖啡美食的馳名雞米粉, 米粉質料尚OK, 湯料採用紅棗杞子湯做湯底, 令整碗雞米粉好油, 最後我沒有喝湯底呀! 天麻弓魚雲湯米粉的藥味好濃, 一面吃一面好要小心被魚骨卡口呀! 蜜汁鱔魚, $40/四件, 不超值, 整體來說, 價錢以澳門來說, 該店的米粉不便宜$33, 又較為普通, 感到下次不再值得再光顧了!

推薦雞湯米!!! 賣相非常好，聞落去個湯底好香 飲番啖 味道好似醉雞湯底咁另外仲有個醬骨菜撈米，D肉就正，撈米就一般 不過值得一試仲有天麻川芎魚頭米 湯底係藥材湯味 魚脘好滑 最後係杯奶茶 顏色好靚 飲落去唔苦又唔太甜

放大假的，今朝一早六點起床，真係仲早過反工，事關終於約得成兩個澳門好朋友共聚確是難得，唯有犧牲少少早啲醒啦！！實在係太早太早起床了，眼就盲，妝都唔化就向澳門出发，展開我的假期！！！到左澳門時間尚早，好朋友車左我去榮暉食brunch朋友的早餐全餐好大份，雞扒好嫩滑，煎完都唔干身醬骨有點火喉過，但都唔曳！芝士咸牛肉包無想像咁咸，唔夠足料牛肉，材料好多洋蔥，芝士如果能溶點會更好！！還好豬仔包是脆的！最得係個炸果仁蝦丸，香口杏片外層配彈牙蝦滑所做成，點賣喼汁執，滋味無窮，朋友們太錫我，話我難得來一次，讓我食好多，今次要爆瘡爆死了！！凍奶茶少冰，味覺對“”木反“”真係有少到！和好友相聚真係好開心，可惜開心既時光過得特別快，好快又要講拜拜！！！

不是環境優美的茶餐廳, 但美食我已經試過很多不同了。這種螺片米粉, 湯底好, 用料正, 螺片細細塊的, 少少淋, 又少少爽, 恰到好處 ! 湯底似之前我食雞米的同一湯底, 但這個無藥材味, 感覺好知潤! 而且超大碗!!但我的第一推介還是川芎魚頭米線, 獨門秘方, 好掂! 如果有多朋友一起來, 可拼上叫炸墨魚餅, 鮻魚球, 等炸物都好好味! 第二推介是辣魚飽, 就算做其他店比較, 我不能說這裡最好, 但是三甲入圍。 

記得前年的中秋節假期, 特意前來''榮暉咖啡美食''吃碗熱辣辣的雞湯米~不幸地遇上它休息數天﹑而又碰上八號風球..... 結果青蛙因為這個黑仔之旅而一直耿耿於懷。闊別兩年再次踏足澳門,  決定一下船就即時為餓了許久的味蕾, 尋回『舊味道』!!嘻嘻.....幸運之神終於回到青蛙身邊,青蛙跟媽媽更一連兩天都光顧''榮暉咖啡美食''呢~每次都不用多看餐牌,它家出名的兩款湯米是我們必選的了 ^^天麻川芎魚頭米貴為青蛙媽媽的頭號美食, 當然有其優勝之處啦!!魚頭特多﹑新鮮亦沒有腥味, 絕對滿足到愛吃魚頭的媽媽;湯頭既有濃濃的當歸等藥材味, 最重要是非常鮮甜可口。當然配上索味的米粉來吃最為適合,令人不禁一口接一口地放入口,最後連湯都喝光光呢!!! ^^馳名雞湯米雞湯米的湯頭則帶有點點酒味,尤其頭一﹑兩口最為強烈。冬天吃更有暖身的感覺, 正呀!!雞件未算十分嫩滑, 但份量尚可;而且與其他配料如冬瓜件﹑雲耳一樣非常入味 ^^配米粉吃青蛀已覺得很好吃,不過聽見很多食客愛配飯加冬菇來吃,下一次青蛙都決定要試一試呢!!烚雞腸餐牌上沒有, 那是青蛙與媽媽看見鄰座的食客在吃而跟著點的~雞腸的肥膏挺多, 幸而清洗

在香港想食個雞湯米的確係無既,一場來到澳門點都要試下呢間好多好評既榮暉先UPLOAD MENU比大家在澳門食什麼也便宜.我叫了1個雞加脆鱔小食叫了墨魚餅個雞湯感覺上不算濃,帶清的感覺,她說很像她屋企整的雞酒味道.當然湯是帶有酒味,我期望是飲一口好濃的雞湯,這裡的不是.雞肉都算嫩.  賣相也不錯墨魚餅普通貨仔,不見出色,也沒有彈性鱔肉少帶骨,汁帶甜味,外面脆脆地還可以當然以呢個價錢還算抵食,食物足料,但未係比個笑呢個級數地方也幾偏僻,可能比的士佬昆左