榮暉咖啡美食

營業中

休息中

榮暉咖啡美食是我每次去澳門時必定要光顧的餐廳之一。這家餐廳擁有兩層，寬敞明亮的環境不僅吸引了眾多遊客，還有不少本地人前來用餐。他們的招牌菜馳名雞湯米，絕對是我每次必點的選擇。湯頭的味道非常濃郁，帶有一絲米酒的香氣，湯中加入了紅棗和杞子，使整碗湯增添了甜味。除了湯頭，碗中的配料同樣令人驚喜。冬瓜、黑木耳和冬菇等食材的搭配，讓整碗米線的口感層次更加豐富。特別是冬瓜，完全吸收了雞湯的精華，入口即化。而雞肉的份量也蠻多的，肉質鮮嫩。香脆果仁炸蝦球對於果仁愛好者來說，無疑是覺得很好吃的。炸蝦球外裹著脆脆的杏仁，裡面包裹著滿滿蝦肉。我個人非常喜歡這種香脆的口感。不過，我男朋友對這道菜的評價卻有些保留。他認為杏仁的味道與蝦球的口感並不完全匹配，覺得這種組合有些奇怪。小總結❤❤❤❤❤📌環境寬敞舒適自在📌招牌雞湯米濃郁可口

臨近生日，又是一年一度慶祝生日的時候，每年都會選擇在澳門慶生，可能是情誼結吧，感覺澳門總比其他地方都舒服。入正題，平時來澳門，總喜歡尋找澳門人吃飯的地方，一來比較少旅客，二來亦比較地道，始終都覺得自己不像遊客，因為本人不太喜歡到遊客常去的地方，飲食亦是如此，今次選擇了榮暉咖啡美食，因為夠地道，價格亦相對便宜，必試雞湯米，湯底味道好，雞亦都好食，再點了一個咖哩牛筋腩飯，咖哩都十分出色，加了一份蝦餅，好香，好脆，最後點了份芥蘭，香甜可口，凍檸茶同奶茶都好飲，值得一試的是老闆，好友善，親切有禮，往後必定會再次光顧，開心的一個晚餐。

朋友介紹十月初五街必食嘅雞湯米😋 原來係藥膳雞湯米$39😋 湯好熱，帶藥膳米酒香味👍 雞鮮滑不鞋👍 一碗份量十足嘅雞湯米有大量嘅芫茜係面，還有幾片冬瓜吸晒d 湯入口即溶😋 有幾粒雲耳，米粉都好多下次可以叫扣底😅同行朋友們叫咗咖哩雞翼米$36 ，牛腩撈粗麵$36都好食👍 以呢個價錢真係無得輸😋

榮暉咖啡美食是我在澳門最喜愛的麵食店之一，特別是他們的雞湯米。榮暉在澳門有兩家分店，分別位於十月初五街和司打口，兩家店的食物質素差不多，所以大家可以選擇離自己最近的分店。 雞湯米是他們的招牌推薦，湯頭濃郁帶有米酒的香氣，雞肉軟嫩新鮮。我個人比較喜歡加多芫茜，這樣可以為雞湯增添更多的香味。另外，我還會叫店員加冬瓜， 冬瓜入口即溶， 完全吸收了雞湯的香味，和雞湯互相輝映。 雖然一般人都會推薦天麻魚頭米，但我個人認為醬骨撈米更值得推薦。醬骨炸得香脆，外酥內軟，再搭配店家特製的咖哩醬油，這種甜而辣的咖哩非常開胃。我可以保證你會一下子就把整盤醬骨撈米吃得乾乾淨淨。 榮暉咖啡美食的雞湯米和醬骨撈米都是我強烈推薦的美食，如果你在澳門，一定要去試試看！

小編一向都喜歡食藥膳料理, 細個都煲過天麻魚頭湯, 天麻味道好特別又好好味, 上網見有人推介即刻bookmark左, 去澳門就食呢個啦, 去到食啦, 個湯好夠熱, 大家一定都要襯熱食, 甘先好味, 個湯好香好好味, 我地飲晒XD。魚頭都有4件，我地一人2件。🥢天麻川芎魚頭米$46🥢黑椒魚餅菜米 $39食完招牌米, 就食另一個魚餅米喇, 估佢唔到平平無其甘, 個魚餅炸得鬼死甘好味, 個湯浸返濕小小個魚餅 會令佢食落冇甘熱氣呀。我地因為得2個人, 所以試得唔多, 佢仲有其他野食架。就走果時12點幾, 店開始多人同坐滿喇。

❇️位置/環境睇戲就聽得多，十月初五街都係第一次去從大三巴步行到十月初五街，大約需要15分鐘.餐廳有兩層，座位都算多，但有一個好特別既地方，如果多人，係需要自己搵位等位.❇️食物1️⃣ 天麻川芎魚頭麵 $46 *推介*2️⃣ 馳名雞湯麵 $38湯底勁重藥材味，小編十分喜歡，可以飲哂d湯天麻川芎的藥材味比雞湯更突出好有養生既感覺❤️.3️⃣炸雲吞 $61 （一打）*推介*可以半打咁打，雲吞入面係見到仲有一粒粒蝦而外面炸得好脆，熱辣辣，好正.4️⃣豬扒包 $23用了豬仔包的豬扒包只需$23，比起氹仔平好多雖然豬扒唔係好厚，但係入味，軟身，完全對得起佢嘅價格👍🏼.小編第一次食就好滿意，都好推介大家尼食個養身麵❤️

自從有朋友介紹澳門呢間雞湯米俾我之後，次次澳門遊都必定會去十月初五街，就係為咗食呢碗雞湯米！餐廳都幾光猛，普通茶餐廳格局，但最緊要係啲嘢食質素！勁足料嘅雞湯米！用咗藥膳湯底，入面有紅棗、冬瓜、冬菇，再加左好多蔥同芫荽！雞件都有6-8件，件件都肉質鮮嫩！蜜汁脆鱔都係嚟到必食嘅嘢食，鱔肉炸到外脆內軟，配埋個甜甜地嘅蜜汁真係一流！我哋食完後咁啱出面落好大雨，店員見到我哋冇帶遮，好好咁叫我地可以坐下，等雨細啲再出去！

來這家咖啡店食野已經有好幾年了，而每次一定會選擇來一碗天麻魚頭湯飯。店裡雖然還有售賣其它食物，唯獨魚頭湯是一枝獨秀。就連我新加坡的娘親來香港探望我，我帶她過澳門品嚐此家的天麻魚頭湯，娘親也讚不絕口。我不知道湯裡頭有什麼藥材，只知道一喝下去感覺就是補。由其是當"大姨媽"一離開，身體一定會虛弱，喝一碗天麻魚頭湯，就一個"爽"啊！姐妹們，不妨在"大姨媽"過後，來一碗天麻魚頭湯補一補，不要虧待自己啊！其它食物真的就不過不失，可以略過。天麻魚頭湯一定一定一定要試啊！

大概5分鐘左右，服務員送上一大碗滿滿的湯米。 上面灑上芫茜，有四大隻水餃、冬瓜片、雲耳和不少雞件。分量颇大。湯比較鹹而且好多味精。 水餃包得結實，裏面的材料相信是用攪拌機攪碎的, 因為裏面的雲耳都是細碎而非切絲。 水餃內的餡料沒有竹筍，而是用甘筍代替。雞件醃得失去應有的味道和質感。抱著吃古早味道的話會失望。。優點是米粉軟滑，分量很足。

家母之前到過榮暉好幾次，讚不絕口。今次跟佢去澳門，一到地佢就帶了我們去榮暉午餐。由於我不吃魚頭，所以就叫了雞湯米粉。雞湯米藥材很足料，碗上滿滿的是紅棗和杞子，湯頭無味精，可以當老火湯喝，加上只是$40多元，實在是滿分💯。我們還點了燒鱔米，鱔燒得香口夠味，但略少。最後還叫了個首烏桑寄生茶作完結。

#澳門 都真係多嘢食今次又去左呢間喺#十月初五街嘅 #榮暉咖啡美食係一間茶餐廳咁嘅舖頭並唔太起眼呢到有個#天蔴川弓魚頭米 幾出名我地到試左出嚟個湯好香好重藥材味#魚頭 好滑好新鮮😋同D#米粉 好夾👍🏼魚頭好幾多而且唔貴$42/碗另外仲試左個#鷄湯米鷄湯有D#冬瓜 #杞子 #雲耳 #紅棗個湯出嚟都好香都只係$35/碗我地一行四人叫左兩碗大家Share一次過可以試曬兩個口味#正剩飲個湯都抵另外仲叫左個#炸什錦 試吓D#炸雲吞 好好味因為冇咩肉🙊係蝦😬唔想食貴嘢呢間都係一個唔錯嘅選擇人多D可以叫D嘢一齊share最好可以試多D#澳門美食 #食平dd

趁着復活節假 同成班朋友一齊去澳門走一走平時多數去開啲遊客景點推介美食今次試試小店點知咁驚喜 1. 天麻川芎米線見到個名幾特別 即管試一試$5x 唔係好貴但係啲料落得好足充滿藥材味差唔多飲晒半碗湯 食完又唔頸渴喎證明都唔係好多味精其實呢啲小店先係最多特別嘅嘢 下次有時間絕對會嚟多次

細佬帶我同爸爸媽媽嚟澳門食好嘢點咗馳名雞湯米~ 雞滑，藥材湯底濃香天麻川芎魚頭米~ 湯底濃香天麻川芎'好好味🤗🤩!小心魚骨蒜蓉蝦子撈米~ 好多蝦子!香濃惹味酥炸雲吞~ 香脆熱辣辣酥炸蝦膠~ 彈牙香脆杏仁片酥炸鯪魚球~ 特別' 惹味彈牙值得來試!🤗🤗🤗🤗🤗

來得呢間老字號就緊係要食「雞湯米」啦！之前已經來過幾次，今次就帶埋朋友一齊再嘆。而我地到達個陣都已經接近九點，所以好多位唔駛等。因為無BB座椅嘅關係，我地揀咗坐卡位。今次我地四大一細分別叫咗：雞湯米、花椒羊肉湯米、天麻川芎魚頭湯飯炸雞中翼、炸蝦餅、炸雲吞以上三款湯米及湯飯其實味道唔錯，而且用料十足，之但係我地就唔係好明點解啲湯底都係甜甜地。雞湯米雞肉鮮嫩彈滑，配有蘿蔔、黑木耳、紅棗、杞子、冬菇等令湯底更鮮味，湯底雖然似藥膳，但帶點甜，所以小JM都喜歡食。花椒羊肉湯米羊肉食落有啲似牛肉，無羶味，但夠爽滑。天麻川芎魚頭湯飯足料嘅魚頭湯飯！成個魚頭上，不單止唔腥仲好嫩滑添！（係我自陀小JM以後第一次再食返魚頭！）湯底除左天麻川芎之外仲有桂圓、紅棗等，所以亦係帶甜。比平時飲開嘅天麻川芎魚頭湯有唔同，藥材味無咁重！炸雞中翼、炸蝦餅、炸雲吞呢三款炸物亦係值得一試之選。雞中翼炸完內裏肉質依然係好彈好滑，外脆內軟嘅感覺一流。蝦餅皮脆足料，蝦膠爽口仲有粟米嘅香甜。而炸雲吞就有原隻嘅蝦係入面添架！（雲吞係特登趁收爐前炸，所以特別新鮮熱辣添！）

在新新酒店對面有一間榮暉，以為是冒牌，原來是同盟店，餐牌又有鷄湯米丶川芎魚頭，見幾對板就入去食個早餐。叫左雞湯米、豬扒包和凍奶茶，點解我個湯米同食評唔同，是好似米線那質感，但係粗過米缐兩倍，佢個湯有少少藥材味，但係易入口那種，齋飲個湯有D過咸，但配埋呢款唔太吸味的米線就啱啱好，D雞煮得幾嫰同幾多配料。奶茶都幾濃滑，豬扒包食唔落打包，下午食都重幾好味。