法蘭度餐廳

營業中

休息中

5月20-21日兩日一夜威尼斯人+美食遊, 到第二日專登由威尼斯人過路環色完葡撻再過黑沙灣食法蘭度, 明細如下:去到唔知要去度中間個花園仔等哎位, 由鬼佬處理, 幾得意, 我地未到兩點就到, 到兩點二左右已經有位...ok~去呢度之前已經知道係冇冷氣...咁有心理準備...都算啦~~到點菜, 都知佢唔係好多花款, 得兩版...咁我地四個人就叫o左: 一隻乳豬(o黎呢度都係想食呢個), 半隻燒雞, 澳門炒飯同灼菜心(佢個memu冇菜架~呢個我諗係為中國人而切)...咁結果如下:有兩個主菜就有兩個包送...呢度D人話好食喎~不過都幾ok...外脆內軟...燒雞...普通冇乜o野....有薯條墊底...但最搞笑呢度係冇茄汁提供...炒飯...都係冇乜o野...都算係幾乾身幾好食...有D腸仔同D肉呀炒埋一碟....菜係用蜆水灼熟...冇油架~佢俾o左支橄欖油俾我地自己淋...冇乜味架~好在d菜叫做新鮮...最搞笑係乳豬...佢兩點半同我地講乳豬賣晒...叫我地食其他o野...咁我地o黎呢度主要係想食乳豬...咁咪問佢咁幾時有囉~咁果度d阿姐話: 我唔知架~d師傅冇講喎~(佢完全冇諗過去問廚房

炒蜆真係必食,都算肥大,鹽燒排骨, 味道一般麻麻地!但個薯條好好味。燒乳豬同香港好唔同,皮簿香口d肉就好juicy呀,好好味!想encore澳門炒飯幾好味!免費麵包一D都唔熱,真係好失望,真係黑仔下面個個話好食,但我最其待既麵包就唔好食

遊澳門一定要去法蘭度!!有特色,環境正,食物佳!未叫野食之前,侍應已經放底一籃熱辣辣豬仔包,外脆內軟,落少少牛油已經好香,但係唔好一次過食晒,一定要留番D....好戲在後頭~先黎一個熱情果汁,清甜既果味,鮮榨出黎唔會溝水溝糖,解渴!再黎一個必點既燒乳豬,O MY GOD!世上竟有如此好豬!!端來時,中間肥膏已烤至半溶,肉質一黠也不乾,味道甘香濃厚而不膩,乳豬皮前所未有既鬆化.......加少許檸檬汁食更清新~剩餘既豬仔包必有其作為........最後黎個咖哩蟹煲,蟹肉一般;加埋豬仔包落去點汁食,正!另外叫左一個炒蝦,個人認為不吃也沒有損失....

一直以来都是A Lorcha船屋的忠实FANS，今次来澳门庆祝生日就姑且到Fernando's试试看。。。And I was curious to see what the hype is all about as literally everyone and their grandmother go there.1 周末午餐不设定位，我们等了差不多一个钟头，都可以接受。 幸好带了读物。2 Sangria系用两罐汽水(Fanta, Sprite)冲出来的！实在是太令人失望了！我老公饮完之后超头痛！They put 4 wedges of lemon in there and call it a Sangria. For all you know, Sangria is not just about serving the cheap wine you can't serve people in other forms!3 烧猪骨非常的干，毫无肉汁可言。烧烤的重点不是要保肉汁封住的吗？4 马介休炒饭，饭是炒得干身但里头的饭粒仲系一旧旧的！非常失望。。。5 炒蚬尚算值得一吃6 服务没有任

已經第二次黎食喇...要多人食就好喇,因為都算大碟,上次我地三個人食四碟野,飽到上心口,今次七個人食五碟野就差唔多喇...可能大家日頭都食左好多野 星期日晚,佢度衰在冇得book位,我地等左大約半個鐘啦,都ok...我都幾鍾意佢個環境,中間又有個花園比人飲下野,傾下計等位都好快過,雖然冇冷氣,好彩唔係夏天去,都算ok沙津, 好fresh o既蕃茄,聽聞係新鮮葡國運到,唔酸,好濃蕃茄味炒蜆, lei個真係必食,都算大隻喇,個汁要留返黎點包食架!鹽燒排骨, 吾...dry左d喎...麻麻地燒雞, 個皮燒到脆,唔會好油,肉都唔會好dry,好味~燒乳豬, 同香港o既好唔同,皮簿香口,冇香港d咁脆,但d肉就好juicy呀,必食!不得不讚佢個底o既薯條都好好味...索左d肉汁,林林地仲好味!~~

名氣實在太大了，因住在 Winstein 酒店可以沿海灘行過去，那一定要去!5:00pm 去到已坐滿人，其間他們實在太忙根本沒人理你怎樣排隊，原來要去到後園，自己在水吧的紙上寫名及人數然之後等叫名，等了大概半個鐘。 (葡人口音叫名時有 d 難聽，差不多到你時要打醒十二分精神去聽) 乳豬---十分好味，皮脆肉嫩，加埋檸汁超開胃，要 encore 添。蜆---好肥好肥，肉厚汁鮮美，但汁不多，不夠沾麵包吃燒雞 --- 皮不脆肉又乾，都唔知想點。燒墨魚仔--- 無味，無咬口，又唔知想點之作 燒沙甸魚 --- 都 ok，不過我怕魚骨，無乜點食啤酒牛 --- 唔錯，多肉汁，帶有淡淡的啤酒味，本身也煮到"淋"哂，易入口店舖裝修簡單得來有外國 feel，令人有放假的感覺!

差唔多十一點半黎到,門外己有約十人在排隊,係排隊既時候係隔離果間士多度買左豬扒飽同咖啡吃,竟然兩者都有驚喜,咖啡尤其出色而且只賣8蚊,排隊其間必試(但係記得留肚!)講番正题,開門之後當然極速入去點菜燒乳豬:必點,外皮燒得香脆中間有一層薄薄的油脂,咬下去有濃香既燒豬油散出來,但油脂夠薄所以不會太滯,豬肉亦很嫩滑正!唯一要彈係略咸同幾貴($138)~蜆汁蝦:個汁做得不錯,有蜆既鮮味,d蝦就不算太出色燒雞:相對比燒乳豬失色,不算鞋口但同樣偏咸燒馬介休:如其他食評所言,可以不試澳門炒飯:十分普通的炒飯,賣80蚊唔值免費麵包:外脆內軟,點蜆汁食一流個笑面完全係比燒乳豬既,其他菜不過不失啦~

朋友介紹到此葡菜餐館..很有風味....是不可訂位的....我們進去後剛有位..其他人到來都要等啊~真幸運....朋友介紹下選了一個葡式燒乳豬...皮很脆...蕃薯條帶了一點甜..我很喜歡..吃不停口一個馬介休炒飯...味道平平啤酒牛扒....味道少少甘香....一d也不苦.....很特別....今次macau 之旅不往此行...忘記了一讃是前菜法式飽..外脆內軟..又不會拉扯了牙齒....一口一口的分明....我見鄰枱還外賣了幾個外賣...mop 4 一個..

一早就plan好左今次行程既第一晚一定要黎食法蘭度, 因為友人之前黎過, 對佢有好高評價. 話今次一定要番啅!我地一行四人, 要左5個送, 一款飲品 (好似係cocktail, 因為有酒有汽水)main course 有:燒雞 - 1/4 份 - $42- 好味, 同香港d餐廳既燒春雞好唔同! 真係要講d廢話, 好有雞味. 雞胸位d肉都唔會太"鞋"蒜蓉燒排骨 - $100- 好味again! 蒜蓉香但唔會搶. 排骨肥瘦適中, 燒既火侯亦控制得恰到好處, d肉夠juice!燒乳豬 - $138- 好味again & again! 味道好特別, 同我地食開既煮法唔同, 佢地既做法可以保留到d 豬既肉汁, 唔似去飲食o個d乳豬咁乾巴巴!豬肝 - $118- 唔錯, 好香. 不過份量太多, 一定要多人食, 如果唔係會好"流"煎蝦 - $166- 好好味! 佢個醬好正, 好香. 必encore!講下個Cocktail, 其實好易入口, 酒味有d濃. 諗住自己冇問題, 因為去飲既時候都會飲紅酒+七喜. 點知...飲左兩杯幾, 過左幾個字, 個頭先見暈! 佢d酒好遲先上腦! 所以, 要叫就要sure

食完胡椒餅, 買完手信就去酒店check-in, 放低行李後, 大約3點半, 就去我地想去好耐既法蘭度, 驚好多人, 所以3點幾出發去食個early dinner, 就由十六浦搭21號A去到總站落車就係.去到大約4點半左右, 入到去見到都有幾台客食緊, 我同門口姐姐講:4位oY唔該, 佢就點咗我入去話裏面有位, 我入到去, 裏面好爆, FULL HOUSE, 入面姐姐只叫我寫低幾多位同貴姓, 等嗌名, 我就覺得奇怪, 點解出面唔坐得, 因為我見啲人都坐係度食緊嘢, 又走番出去問啦, 頭先個阿姐又話....咁呀, 你地坐出面呢度啦, 一樣啫, (咁你頭先就唔好點我入去啦) 吹賬一坐低, 睇坐陣餐牌都有晒IDEA( 因為之前上OPENRICE做定功課), 侍應姐姐拎一藍麵包嚟, 仲有檻欖油同醋, 仲有牛油, 試一試個麵包, 幾好味喎, 鬆脆, 之後就開始叫餸.菜湯 : 唔夠味, 啲菜又淋PET PET, NOT GOOD燒沙甸魚 : 原條燒, 連麟都無打, 裏面啲肉都幾香幾好味, 但啲腸就苦苦地啦, 另外跟埋薯仔同沙律(即係洋蔥+生菜), 味道都OK啦, 但出面好多餐廳都做到.燒馬介休 :

好耐之前已經聽人講呢間葡國餐廳好好食，但因為路途遙遠，要我特登去就真係咪搞。今次遊澳門，實在無乜地方想再行，就遊車河去路環，誤打誤撞見到呢間竹林深處的葡國餐廳。周一中午12點，餐廳剛開門，不過客人不絕，無幾耐都滿晒座。先講環境，呢度四周圍俾樹木包圍，好似在森林裡開餐咁，幾特別，不過，只有天花板的吊扇而無冷氣設備，真係幾唔慣，尤其在三十幾度的酷熱天氣下食飯，真係滴晒汗。講番食物，餐牌的選擇唔多，我地兩個人叫左煎中蝦、雜菜沙律同埋燒排骨，再加一罐可樂：．煎中蝦：以百幾蚊的價錢而言，分量都合理，煎得幾入味，不過有部分的肉質有少少霉，唔算好新鮮；．雜菜沙律：四十幾蚊，好大碟，主要係切片番茄同生菜，我最鍾意係佢的醬汁，酸酸咪咪，幾開胃；．燒排骨：最令人失望的菜式，又乾又瘦，無醬汁，只得兩片檸檬來吊吊味，墊底的薯條相當多，吸晒所有油，肥肥膩膩，見到都唔敢食，徙料：．免費麵包：兩個超大個脆豬包，不過我嫌太乾又硬，無乜點食；．可樂：15蚊一罐，真係幾搶錢。埋單330幾蚊，唔算便宜，因為我真係唔覺得呢間葡國餐廳有幾好食，加上又無冷氣，我絕對相信我唔會再幫襯啦～

呀蘇介紹得咁好食，便一心來試吓。老實說啲侍應態度勁差一心只想來試試燒乳豬便走，個侍應見你兩個人，係都要你叫兩樣嘢，就只好叫多份燒牛燒肉。又問你要什麼嘢飲，又沒有價錢，叫人點叫，難道任你開天殺價?當然唔飲。燒乳豬--只有少少脆，肉質都好鹹。燒牛肉--一句講完勁鹹，唔係人食。啲嘢咁鹹點食得入口，想起當時真後悔去食，地方又遠。水都要收錢，做得咁差

We all six people came there from HK in order to try this restaurant on last Saturdayas it is very famous.Two of them even tried it 20 yrs ago.We arrived there at six o'clock but there is one to two tables left only.We ordered1. 葡式燒乳豬 (有1/4隻乳豬, 好味, but too expensive, it cost $138)2. 燒沙甸魚 (common taste, no special)3. 菜沙律 (tomato is very nice)4. 馬休炒飯 (common, no special)5. 萄式豬手 (nice, but a little bit heavy)6. a bottle of distilled water (costs $35 for 1L regardless of how many people you have)

聽說萄式豬手好好味，　我地就去到黑沙海灘的Restaurante Fernando　試吓．Restaurante Fernando　比到人一種好close to the nature的感覺．係一間屋仔但係ceiling 都好高．外面仲有ｄoutdoor 地方．食物方面，我地對萄式豬手有少少失望，朋友們都話之前在其他地方食的係吾係咁ｏ既，話之前食過的好味ｄ，都吾知係邊度先係正宗．同埋碟野好細．吾係好低食．個炒蛤就大大碟，味道都好好．好新鮮．個味道同港式的很不同．港式的太多豆豉，食吾到蛤味，但係ｌｅｅ碟就食到好鮮的蛤味．D 大麵包，好新鮮，牛油好好味！

由朝食到晚係澳間最後一餐就係來左呢到擦擦擦...先來個麵包...+啤酒...再來就係葡式燒乳豬.皮脆兼肉嫩嫩的...好美味呵! 份量剛好是二人份量..另外還有個馬介休...但味道無想像中咁好..而且勁多油..好驚...呢到無冷氣係呢到個特色因為想保持郊外的感覺...真的不錯...但可能香港會唔慣..而且我俾蚊咬左幾啖添..但都值得一試噃...