添發碗仔翅美食

營業中

休息中

食完祥記行前一分鐘就係添發碗仔翅，己經有十幾人排隊，等咗三十分鐘先到我哋，才發覺得三張四人枱，同埋靠牆幾個位，怪不得要等咁耐，堂食人頭計，就算叫窩百幾蚊砂鍋魚翅都唔得，我只是一嘗心態，點了最平$22鷄絲翅，當然不能有所要求，都叫做新鮮滚熱辣~

講真, 佢地老闆d態度真係完全唔得.最大問題係, 佢又唔主動介紹一下d翅既佢分別給客人知, 一味叫人一次過叫曬4碗 (我地一行四人), 還有, 我地初次去, 真係唔知要以人頭去order的, 而且, 佢又唔講明order時只叫價錢便可喎, 當我地order時, 梗係叫xx翅架啦.. 跟著佢既態度同聲線好明顯係串果隻囉.當魚翅來到時, 講真. 以呢個price去食就唔係真係咁貴的, 可以話ok.但係當真係有食翅或做海味生意既人黎講就......唔係咁靚囉. 只可以話佢有唔同既煮法罷了.如有機會的話, 我會choice過第二間去食, 唔會再去這間.

添發碗仔翅根本唔好食...價錢又貴,喺香港嘅普通街邊碗你仔翅都好食過佢...香港嘅朋友唔信我講嘅話可以自己去試吓.....地方好細,但係服務態度都可以嘅...最平嘅所謂翅都35蚊...根本無咩料..跟住嘅就係55蚊..有少少翅..但係都係食緊豆粉水咁...再貴d就係80蚊...總之就係唔抵

不明平日去都有咁多人排隊等候,座位又迫,以為好味道!食完好失望,d人講到好好味(除咗有兩件所謂魚翅仔)都不外如事味道ok~但話好好味, 不如話好好味精....我一行五人食完渴到...即刻要找地方買野飲解味精,....*絶無下次 (講真太子d碗仔翅好味過佢)真係要多得傳媒~推介.....(唔試過真係不知道又比人欺騙!)

上次黎澳門添發竟然咁arm休息今次無論如何一定要食到 \_/12點去到發現原來佢1點先開 =__=唯有行下先la12點11就行返過去點知入面已經坐滿人外面亦都有一條隊la =__=等左15分鐘我地決定叫一個招牌海參花膠煲仔翅同一個濃湯翅海參花膠都幾多料海參有2舊...花膠有4舊...size都唔算細濃湯翅有大約4梳翅真係超大梳不過個湯好似咸左少少overall黎講添發都比附近果間X客好好多同埋終於明白點解上次X客都要排半個鐘全因為添發無開d客過晒去今日X客完全唔洗排隊

去完大三巴就去福隆新街行下, 依~~~點解咁多人排隊, 原本係食碗仔翅, 但係咁多人排隊即係好野, 可是門外已經有成十個人排隊, 最後決定外賣豪華碗仔翅 $38蚊, 等左十分鐘仲落雨添, 只好在簷下食左佢, 味道可以, 材料有蛋, 肉絲, 竹笙及兩片有湯匙咁大的魚翅如果下次有時間先入去食煲仔翅

有一次行過紅窗門, 又未食過呢間d 碗仔翅, 聽日朋講話ok...咁就入去買返屋企食la...叫左一個招牌魚肚海參大隻翅, 一個豪華碗仔翅, 一個雞絲竹笙碗仔翅...佢係即叫即煲ge...so都要等一陣la, 拎左返屋企就梗係即刻開黎食...招牌魚肚海參大隻翅 - 我唔覺得佢舊翅可以稱大隻lo...又加左醋同麻油...total只係食到d醋同麻油味...豪華碗仔翅 - 就ok la... 都係好普通ge碗仔翅味,就係多左1~2條薄到不得了ge海參...雞絲竹笙碗仔翅 - 呢碗就真係碗仔翅咁lo...有咩咁特別...最特別ge就係佢特別貴lo...如果可以比我簡...就算佢同出面ge碗仔翅一樣價錢...我都未必會食佢...

連續食完兩餐自助餐後晚上又轉戰到新馬路手信街朝聖. 在福隆新街例牌都係食 d 人氣食物, 第一站先食翅, 七時未到已有三數人在門口等位, 等了一陣已可入座. 先來豪華碗仔翅 $38-, 味道有 d 似飲宴場合的魚翅, 不是旺角的碗仔翅, 除了肉絲以外也有小許魚翅. 食完第一碗魚翅漱口後食髓知味, 再來一個招牌煲仔翅 $55, 砂鍋上, 而且熱辣辣起泡, 好似食砂鍋粥一樣, 差 d 燙傷口腔, 味道更勝一籌, 內有大大舊翅, 小許海參及魚肚等, 加 d 浙醋加 d 麻油口感一流, 真係正 ! 可惜地方比較擠迫, 祇有廿多個座位, 食得比較辛苦, 建議各位不要先去買手信才來食翅, 大包細包放在地下真的不方便, 食完翅後才去買手信就舒服得多啦.埋單 : $38+38+55 合共 $131-

岩岩入左條街，見到鋪頭喇，前面都唔少人入呢間野，我地一行兩人好好彩有位坐，睇睇鐘，原來岩岩一點鐘....岩岩開鋪，order野之後出去街影幾張相既時間，門外既人龍都變得唔短喇...order左既係：20蚊碗仔翅，80蚊濃湯煲仔翅叫野食果陣同呀姐講要幾多錢果隻就得，佢送到果陣都係話「睇住!!小心熱!!黎，一碗幾多幾多蚊」咁，都幾過癮。先黎既係呢碗廿蚊雞肉竹笙翅，基本上味道近酒樓擺酒果隻，size就係一隻碗咁，一個人黎到唔想駛咁多錢可以考慮呢款。80蚊濃湯花膠煲仔翅，本身諗住叫75蚊果隻花膠海蔘煲仔翅，但經另一半一提，75蚊個湯同20個湯係一樣的，不如加多5蚊試下濃湯丫，果然雞湯係脆絕配，加埋一大片翅同花膠，都應該幾受女仕們歡迎。冬天食完暖笠笠=) 我諗其實係因為出左名，同埋真係叫做平價食魚翅先吸引到咁多人過來食，本人絕非話不值一試，而係如果係一定要食既話，真係最好準時開鋪就黎

2010八月尾到添發, 我重可以坐於朋友旁伴食, 自己試一口湯而巳, 因支持FB, 我朋友話下次來澳門要食多翅.其他嘢吾見佢敢好記性, 埾誕再來又要去添發, 上次佢食75蚊煲已收貨, 今次升呢食:紅燒特大魚翅 $170無錯, 比起同枱其他食客35-80蚊翅真係比下去, 首先上菜時服務員叫聲, 邊位百七呀, 好多食客都望下煲翅及我兩, 反而令我更差怯 煲翅熱到起水泡, 香噴噴, D翅一排排, 所以呢煲附有筷子用食翅, 我都係第一次明白食魚翅同碗仔翅的分别.唉…: 借口: “天氣冬, 得11度又肚餓, 重坐於門口位吹風” 我朋友忽然頭上長出兩隻角, 鼓勵話請我食 (我玩長跑都無鼓勵啊!) 我忍吾住叫煲:濃湯瓦煲花膠翅 $80一樣熱到起泡, 呢煲花膠係主角, 心理上好過D, 不過都有翅, 只不過吾係排翅. 我用五分鐘食完, 條脷告訴我好味, 個心就問 “反鯊 ?”.後來個女見我FB放張煲仔翅相, 就留言’不讚好’ 我做阿爸教女, 真係講一套, 做一套, 失敗.

今天我和HONEY坐船過去澳門玩, 去之前已經心裡有數, 必定要去試一試添發既魚翅!我地兩個拎住本旅遊門, 落船之後由碼頭坐新福利巴士3號去到新馬路落車,目標地點唔難搵, 因為一行入果條有D古式古鄉既街就見到一條長長既人龍!!但係我地為食心切, 一於照排!!結果排左45分鍾左右先有位真係人頭湧湧呀!由於我地起排隊等位既時候已經諗好食D咩, 所以一坐低就叫野食啦!(依間店規定每人都要食一樣野, 大家記住啦)我地要左一個$75既海參魚肚大隻翅同埋$35既豪華碗仔翅,等呀等...都要等5分鐘...有得食豪華碗仔翅啦!味道OK鮮甜, 但係肉絲+水為主, 用料較少, 成碗只有一塊翅同埋少少翅碎,不過$35既價錢都尚可接受, 但如果再去就會加多少少錢食$75以上食完再等多10分鐘, 原煲上既海參魚肚大隻翅黎啦!放低左仲見到佢係咁滾, 果然熱力十足! 應該係即叫即煲的!好燙口, 不過超好味! 鮮到不得了! 而且仲有好多翅, 有成7-8大塊,足料之外, 口感亦相當唔錯, 一條條的, 非常彈牙魚肚就夠爽口, 好食! 唯一係海參只有兩小塊而且偏糊口, 有D美中不足但係整體黎講都好YUMMY!我地一定會再去

澳門兩天美食遊，食完晚餐當然要食宵夜啦！於是決定外賣杏香園既糖水同添發碗仔翅返去酒店慢慢嘆。我地叫左$20碗仔翅，味道不過不失，亦絕對談唔上差。但我唔明白既係……點解加一支湯匙都要加錢？（亞姐冇收我地錢，只係話下次唔好喇……）

旅澳第二天,一起床已日照三杆,就去來個魚翅 long 口吧星期一下午添發仍然滿座,等了幾分鐘就入座$20婉仔翅,唔係馬就係得2粒翅我唔好彩錨少左比我定成本貴左愈食愈少$20當飲個湯我唔受ga,下次咪搞

自從朋友介紹過這裡之後，我多數去開澳門都來這裡食一食一碗翅，因為夠抵食，有好味。今次是星期日夜晚來光顧，因為相對排隊可以少人一些，排幾個人就入得去。 可能因為夜晚，想試貴少許的雞湯翅都沒有了 ，所以只叫了一個$50的煲仔翅和一個$35的碗仔翅。不過，比較之下，發現其實兩個翅是一樣味的，料都好似 。所以，我下次會食雞湯翅及碗仔翅。

第2次黎吃, 呢次閒日黎吃, 仲夜麻麻去吃, 真係好.........唔洗排隊, 上次黎排左成半HR呀.即叫即煮, 熱辣辣,好鬼正, HKD 50 就有一窩啦, 係香港地邊有咁筍呀.* 但, 吃完後好口渴呢, 唔知係咪味精太多呢*