澳門大利來記豬扒包

營業中

休息中

十多年前的味道已經不再了！中午時分去到居然沒有豬仔包，只有餐包或波蘿包！一場來到就叫了餐包試試。到底$48元一個是否值得？首先說說豬排，用料實在差。急凍貨色，又瘦又乾不在話下，味道比一般快餐店都不如。餐包亦是普通貨色但好在都有加熱。相信$48 中的$30是給了它之前留下的招牌。澳門街大把好東西吃，實在沒必要去幫趁！沒甚麼好講，希望它們可以真的用番之前的心機，做好我們懷念的好食豬排包吧。總結：味道1分，抵食0分！

48蚊食左塊豬扒同包！又唔夠熱又有骨！不知所謂！絕對唔會再有下次！香港大x樂下午茶豬扒包仲好食過佢！仲以為有咩咁出名！勁失望！店員服務差！差差差差差差差差差差差

一去到官也街就決定食個豬扒包先~~點知2點先有食住個豬扒波蘿包$38個包唔熱之外都還好仲叫左個豬扒米粉$42 食飽行反出大街行下點知轉角地鋪個間未到時間已經有得賣下次要行出去大街個到食

行到攰攰地又有少少肚餓，就入咗嚟大利來記食野，友人話佢嘅豬扒飽好出名。一場黎到就梗係叫佢嘅招牌菜－豬扒包啦！侍應亦都好友善地幫我地將個豬扒包cut成兩半方便我地share食。如圖所見，豬扒包的而且確好大份，兩個人食都夠食。豬扒包嘅外皮烤焗到好香脆，但係重點嘅豬扒就好一般，塊豬扒好瘦又有少少痴牙另外我地仲叫咗份咖喱魷魚，盛恵MOP＄30。份魷魚只係好一般嘅魷魚， 而最唔掂嘅就係嗰份咖喱汁，完全食得岀係由咖喱粉溝出嚟嘅，得個辣字，香味又不足，失望！！

去到澳門係人都知道要食豬扒包架啦😂今次朋友就帶咗我去食呢間係澳門有相當歷史嘅豬扒包😂🙈就係大利來記嘅豬扒包啦🍴🍴🍴佢入邊嘅格局就好似以前舊式嘅冰室咁有一啲好靚嘅裝修 但係都坐得好舒服 好似茶記咁雖然我同朋友都好肚餓但係我哋都只係叫咗一個面同埋一個豬扒包來share佢個豬扒包要除咗係傳統嘅豬扒包之外仲有個菠蘿豬扒包仍然係同樣價錢架雖然睇落去好似冇乜特別咁就係一個包夾住豬扒但係食落去反而有驚喜因為佢嘅豬扒一啲都唔Un而且一啲都唔乾😬😬😬個包亦都係相當軟身😍😍😍😍 我就最鍾意食軟身嘅包架啦😀😀另外就叫咗個牛腩米線 不過就成＄40 而且就係用外賣嘅器皿裝住呢個米線就麻麻哋啦🙈🙈🙈🙈下次再嚟澳門就想試吓佢個菠蘿豬扒包啦

由香港黎到澳門玩，專程黎到官也街食大利來記嘅豬扒包，見到好多人等緊。幾年之前食過，但係今次個水準好似差左，塊豬扒燒到好乾同好硬，如果$48一個豬扒包就好似唔值啦，

呢間網上都幾有名經過官也街見到廣告牌所以諗住試下都幾多人食緊冇位坐，所以十幾個人企係店入面但都唔算迫買豬扒包時見到個價錢有啲嚇親而味道就一般般，咸左啲 唔可以話差，但又未止於好好食$48一個包，我就覺得唔值啦下次可以選擇其他店既豬扒包

下午茶時間，有朋友話唔肚餓，小小口痕，路經就入嚟試吓，坐低後發現國慶要加20%，諗住食少少野照叫嘢食，魚蛋都算ok既，雞翼好普通，豬扒包都幾好味，只係兩個豬扒包，一份雞翼一份魚蛋三罐可樂要二百幾蚊，感覺唔抵

在晃記買完手信，去大利來記，吃一個豬扒包。大利，變了！不再是昔日的大利。反而，有點像麥記。豬扒包$48個，真的好貴啊！麵包烘烤後，入口帶麵粉香，質感偏乾。豬扒吃起來，醃得不算十分惹味，質感也較為乾身，沒甚亮點可言。這，絕不是當年吃過那一個豬扒包啊！

記得幾年前嚟到澳門大利來食豬扒包，真係一試難忘，從此愛上。今日嘅大利來已搬入新嘅鋪，其實都係響舊址行入多少少，店內環境比之前好了一點，亦都闊落左啲，雖然環境改變左些少⋯可惜豬扒包嘅味道竟然都變了些少⋯豬扒味道冇乜大改變，豬扒醃得好夠味，肉質都鬆化，輸嘅地方係⋯豬扒包個包⋯失望！因為已經唔夠脆，咬落去卜卜脆的口感去左邊？失色仲帶啲失望⋯希望只係一次半次嘅失誤，下次會試多次，希望仲有希望，食得返當年之味啦！

去澳門觀光真是半天可以完成, 對上一次已經是七年前跟當年還是男朋友的老公去威尼斯住了一晚。去澳門通常只有兩個目標: 賭錢及飲飲食食。百物騰貴, 去次澳門都要千多元, 俾多少少錢可以搭個飛機去台灣或曼谷。老公為了結婚周年紀念第一次放下小女兒與筆者到澳門享受難得的寧靜。二人世界可以到處食過飽, 七年前曾經去過一間大樹下的茶檔食個豬扒包, 今次重臨舊地但是已經找不到當年的茶檔。問下街坊, 原來風靡遊客的「大利來記餐廳」早已搬遷至現址。門口有張用上兩位師奶(可能係老闆娘?)的poster, 有些老土還是本土風情?「大利來記餐廳」 面積有兩層, 比舊店大得多。「大利來記餐廳」 出名而且邀請海外投資者作加盟店, 老闆應該賺到盤滿砵滿。可是室內佈置沒有大特色。只見紅色的天花及牆上掛上店方推介美食。另外, 店方用了圓枱圓櫈, 枱櫈擺放隨意又擠迫。豬扒包是一種澳門著名的食品。顧名思義，豬扒包是指一個塗上牛油的麵包或豬中央夾着一塊豬排。豬排通常是煎熟或油炸，但亦有以水煮熟後再把表面煎香。豬扒包是澳門有名的小食，當中以位於氹仔的「大利來記」豬扒包最有名。每日下午二時出爐限量發售。不少遊客為一嘗豬扒包，都會提