譚家魚翅

營業中

休息中

雖然我並不可以算是什麼環保人士, 但自己一向都不是特別喜歡食魚翅(雖然也不會特別抗拒). 和家人來到澳門, 她們聽朋友說來澳門食翅, 心郁郁又想試下, 因此便帶她們來譚家魚翅, 平平地試下, 叫做過下口癮咁囉. 譚家魚翅在澳門有幾間分店, 我們今次去了位於氹仔那間. 店舖有兩層, 但不是太大, 沒有什麼裝修. 如果人客多的話便要等位. 但我們今天早來到, 所以不用等位. 由於我們剛剛才在大利吃了豬扒飽, 所以大家其實都不是太肚餓. 我們叫了一客花膠海參中鮑翅, 一客石鍋中鮑翅一起分享. 花膠海参中鮑翅: 有2.5兩翅, 花膠及海参少許. 翅用石鍋上, 熱騰騰的! 翅的湯底極濃, 感覺膠質好像很豐富(可能店舖用了大量翅骨加上長時間煲煮那個湯底吧). 翅雖然不算多得很(幾十蚊有翅食, 仲想點呀), 但都是一梳梳的, 不會是碎翅. 味道方面, 翅, 一般都是無味的, 不過湯底有雞味.石鍋中鮑翅: 有2兩翅, 同樣是石鍋上, 熱騰騰的. 我並不是食家, 所以分別唔到它跟花膠海参中鮑翅味道方面的分別, 感覺上只是少了花膠和海参. 同樣地, 翅都是一梳梳的, 湯底方面, 不論味道和質感, 都跟花膠

食完豬扒包既淨豬扒包之後...就再戰譚家魚翅....一望入去好細...得兩張台...後來望到原來樓上有雅座我地3人好似叫左大排翅...一飲湯...好有雞味...同埋好熱...我地3個都辣親條...翅方面其實咁既價錢唔好諗住佢會俾D令同多翅...就當食高檔D既碗仔翅黎食...感覺會正好多好彩果度冷氣都夠大...如果唔係實食到一身汗啊...

本人琴日同朋友一行14人過左澳門聽人講新舖仲好食過舊舖(舊城區呢間),又大間d咁就一心諗住晚餐黎譚家魚翅氹仔間新舖食晚飯一早就去左手信街附近果間訂位到左差不多食飯時間,我地一行人到左官也街附近咁我地一行14人,有d人唔駛買手信,就去左舊舖叫老闆車左1批人去新舖先第1批人就咁就去左新舖要買手信果批就行去買手信再去買完手信,一行8人,老闆架車係7人車唔夠坐有2個人識行去新舖就自己行去,剩番既就行去舊舖叫老闆車其實根本10分鐘都唔駛就行到去,但我地等車果班人就等左20分鐘都有一去到舊舖叫完車,咁老闆就叫我地係門口等咁佢門口條路又窄又有好多行人,我地過左對面d車位度等等左5分鐘都冇車,催個老闆問佢 "有車未啊?"個老闆好串咁答 "你地等左有幾耐啊,飛機都冇咁快啦!!!!!!"咁我地繼續等啦.......再過多陣,我地又問佢 "有車未啊???"佢又係話叫我地等下啦之後再問,個老闆先話 "要去停車場攞車再駛黎呢度wor~"因為要趕船既關係,我地驚到左新舖批人未叫野食,咁咪叫個老闆幫手打個電話去新舖睇下佢地叫左野食未,未叫就快d叫咁我地到左就有得食個老闆唔理我地繼續食花生咁我地冇計啦,冇電話

剛落船而酒店又未可以check in前不如醫醫肚，同行友人提議食翅！ 初時以為佢講笑，點知佢真係拎出一張譚家魚翅的地址影印本來！嘩，剛到步就「豪食」魚翅，突然間心入面有股虛榮感湧上黎！落車後我地一行４人箭步直上２樓（好彩岩岩有一檯客人走，所以我地唔駛等位），即急不及待睇下menu揀選心頭好！這間譚家魚翅真是名不虛傳，夠抵（約$68左右一個石頭鍋盛載的大煲翅）又好食！ Ｄ魚翅足料之餘個湯底又杰身，口感夠晒rich，食得出有豐富骨膠原而冇味精，真係超好味！

今次係氹仔落船，近近地黎官也街食個翅先去酒店 check in。譚家魚翅位置原來幾易搵，但店子狹小，店員阿姐又無禮貌。好在石窩魚翅味道香濃，上枱時熱辣辣，不停爆住 “泡泡”，冬天黎食一定更正。湯底 “傑” 得黎又唔會太 “黏口”，鮮甜香濃，魚翅足料，加埋芽菜一齊食，口感好正。如果大家唔介意服務和環境的話，便要試下譚家啦~~

早前媽媽去完澳門, 說友人極力推薦這家譚家魚翅.其實去年在新馬路吃過一次另一家魚翅劣食後, 不打算來澳門再吃魚翅,不過是媽媽推薦的, 反正這次住氹仔, 不太遠, 就試一次吧.來到官也街, 行到盡頭再轉右行3,4個鋪位就到了, 不算難找.上了2樓, 人不算多, 不用等位.看看餐牌各種不同價格的都有, 由50多元到千多元的都有.我們不會花太多錢吃魚翅了, 就決定點一個便宜的, 一個中價的.先來是$68的花膠海參中鮑翅不到5分鐘便上桌了, 相當快.比想像中小, 湯底比較傑魚翅....很散呢, 不太像樣, 花膠也頗硬不太喜歡這個另點了個$168的珍珠金鮑翅大小跟$68的一樣, 湯底也是比較傑, 不過我們喜歡濃味一點, 覺得正好.這次的魚翅比較像樣, 一整排的, 也很多這個明顯地好吃多了.不過吃完這次, 感覺寧願拿同樣的錢去試其他地道食物比較化算.

上回食譚家魚翅嘅時候無寫食評, 今次補數! 翅湯芥蘭 - 芥蘭好新鮮好腍, 唔錯!牙揀大鮑翅 - 雖說大鮑翅, 不過個翅又唔係相像中咁大梳, 不過個翅湯好濃! 好味!譚公海蔘魚鰾 - 魚鰾=魚肚, 炸過唔易散, 海蔘好滑!魚翅撈飯 - 聽得多魚翅撈飯, 今次第一次食, 真係好好味喎! $38一鍋熱辣辣上枱. 雖然唔係好大梳翅, 但係呢個價錢, 真係抵! 朋友嗰鍋重有瑤柱添呀! yummy !鮑羅萬有 - 真係包咗唔少嘢呀! 鮮鮑, 海蔘, 鮮蝦, 花菇, 鯪魚球, 瑤柱....等等! 正!

食埋今次無得食lu!!因為基於環保既緣故...我地要鍚住佢地^^"來親澳門我都一定會去氹仔食譚家魚翅 可能我要求低~叫個平平地既魚翅過口隱就算~不過我覺真係好正!!!佢用個煲滾住出來~比$38做咁多功夫~~抵到爛啦!!而且放入口甜甜地...如果想飽肚可以加埋個飯架~lo飯仲正lei~~~~~不過service 就ma ma!!!!!我地去親都好小人幫襯~可能偏離食街~個度d staff 係咁sell 你食貴野!!想試下其他又話無~~奇奇怪怪咁~~~不過唔理啦~~食左先算

港人到氹仔，不得不到官也街湊湊熱鬧，吃杯榴槤雪糕也好，買些手信也好，在附近的告利雅施利華街亦蒙受其利，有一所店舖，樓下做零售，樓上是食肆，售賣的都是鮑參翅肚。通過一條狹窄的樓梯上閣樓，看到用瓦片砌的屋頂，地方祇得數張檯，頂多可容納二十幾人。今午已擠滿了人，服務員要我們在一小檯與另外兩位人客搭檯。看過餐牌，價錢看來有平有貴，便宜至幾十塊錢也有交易，當然不可能有甚麼要求高質素，點了花膠瑤柱天白花菇$48，日本關東刺參$48，魚標鵝掌天白菇$28，菜膽雞炖翅$38，花膠海參中鮑翅$68，鮑魚撈麵$38，不久服務員回報頭三樣都賣清，怎也好，有甚麼便吃甚麼。不久，大檯的人客離開了，我們轉了檯，坐得較闊落。菜膽雞炖翅是用盅上，菜膽不是白菜膽，是一條菜心，有一小梳的幼翅和雞肉，湯味濃郁，算不錯，花膠海參中鮑翅用韓式的石頭鍋上，下墊木座，煮得很熱，像是個溫泉，不斷在冒泡泡，所謂花膠是一兩片很薄的花膠，找不到海參，中鮑翅也不像樣，與先前的菜膽翅的小梳翅一模一樣，湯底很稠，像糊仔，應是打了粟粉獻，湯味一般，吃到底，石鍋的熱力把茨汁燒乾，鮑魚撈麵祇得一箸麵，應撈了蠔油，伴一隻約五元硬幣大小的鮮鮑魚，食味一般

果日响官也街，禮記無開，唯有選譚家。上樓上見人地食緊啲佛跳牆幾靚仔，但因為我地跟住就食晚飯，所以都係淨食翅。選了一個98同一個68，68的當然少翅啲，98果個都見到兩群仔。但係個湯好杰，我就唔鍾意囉，好似食"獻"咁。呢間我唸我都唔會encore了。滿有期望去食翅，去完呢度就唔會再恨要食，唔知好事唔好事。

由澳門去到氹仔~加上仲打緊風~風大雨大唔知去邊度食嘢好~噚日已經食左翅~不過男朋友今日話仲想食多次~Fine~打電話去澳門間舖問佢氹仔有冇分店~原來有既~即管去試下...其實無噚日抱咁大期望~因為之前上網已經睇到好多都話唔好食~一入去...上樓上坐低~店員一介紹就叫我地食$688個翅~嘩~全店最貴果個...我咪話唔想食咁貴...但佢繼續sell我食$3xx果d~跟住唔鬼睬佢...自己叫~跟住旅遊書仔叫左『有米佬泡飯』同『石鍋中鮑翅』~上檯望個樣都好似幾吸引嘅~但一食就知龍與鳳~多味精~味道偏鹹~食完勁口渴~終於明白點解咁多人話唔好食!!!

我一家order了石窩中飽翅($55)同聚寶佛跳牆($98)。翅雖小但起碼都見到一梳梳的小翅，好過達榮搵笨翅裙邊，湯汁較濃，其實用石窩離火後仍會繼續滾，可以校稀點待它自然收杰，個人口味偏鹹，可以接受，但大家要有心理準備，食完後會口渴。聚寶佛跳牆頗足料，一百蚊唔駛仲想點？仍是老毛病---湯汁較濃！

ｄ翅既味ｏｋ，都算見倒一塊塊的小翅，好過達ｘ既搵笨翅邊／翅裙，不過同意樓下所講，唔同價錢既翅，其實份量都係差唔多，所以大家試就詆２０蚊果個就算了。食完後好口渴，大家要有心理準備。

Too bad~～都唔知自己食緊d咩aa....翅湯入都有d海心絲...不知所為...海心同翅可能係個好配搭但係咁細條..有咩人食得出lo...得個平字...好心你就有貴少少..比d功夫去做好你既翅na...專賣平投機取巧等人人都去試...你要睇下有冇第2次得+....

興之所至，走進此店。1中飽翅翅雖小但頗滑爽，翅湯中有幼細海參絲，因其小巧未能帶來任何口感，聊以增加視覺效果而已。湯汁是最叫我失望的：是湯底太濃? 調味料下手太重? 第二口湯後，我已只好以魚翅加湯撈飯，自行嘗試其他食法，及中和口渴的感覺。2翅湯浸菜心菜心鮮嫩，淡啡黃的翅湯使我想起魚湯。吃不出翅湯真味，如視之為魚湯浸菜心，這道菜還是可以的。3白切雞富有雞味，肉質頗滑，有吸引人多吃的咸香。整體而言想一嘗魚翅撈飯，不妨一試，價錢豐儉由人，我所處的是澳門蓬萊街的分店，現埸觀察所得，所有翅都用韓國窩上枱，半小時都能保暖，不同價錢(我和家人吃的是50至60多元），翅量同大小相差不大，在現今市現況之下，平平地幾十蚊食吓翅，就當為自己同至愛親朋打打氣吧。後記:認識此店乃因找祥記不果問路的緣故，派譚家魚翅傳單的大嬸羲不容辭帶路，大嬸帶路安抵祥記，臨別之時，當然給我送上自家店舖宣傳單以後會有期。沒有絮絮不休為自家店宣傳推廣，只是閒聊澳門的人和事，分別時帶笑遞上宣傳單，這些都是久違了的人與人之間萍水相逢、適可而止的親切。