連勝風行咖啡美食

營業中

休息中

諗住行下周圍揾野食，點知見到哩間有叻沙食，又有馬來叻喱，又有葡菜食，其實係咩都有。我地叫左兩碗叻沙，面類可以自己choose.個湯底好好味。雞扒叻沙，份量勁大豬扒叻沙每款叻沙$36,算係平民價啦。

未到新年今日都唔係好想幫人開年..唉..今晚本來想叫pizza外賣，打電話去筷子基間pizza hut成個幾鐘，一係busy一係響到電話爛都冇人聽，間間都有人聽得佢間冇囉，算我決定出去食，睇過幾間都冇位最後去左連勝街風行，我對拿破崙炒意粉幾有興趣，問侍應(男)有咩材料，佢er同唔出聲左10幾秒，跟住話有d蝦呀咁囉，佢唔知，算，叫左個燴海鮮飯(見相，唔知睇得清唔清)，我食左幾舊都係魚，有d唔對路，問返岩先個侍應點解全部都係魚，有冇俾錯我，佢又唔出聲企係度望左10幾秒話咪有舊魷魚囉，我話下，海鮮飯係咁架？我吉開晒黎睇全部都係炸魚塊，得1舊半魷魚，加1堆3色豆...咁佢d燴魚焗魚飯有d咩呢？為左宣泄不滿，之後都冇再食，臨走再問多次個阿e究竟燴海鮮飯有咩料，答案係魚同魷魚，ok明晒，可能我真係好少黎，又見識淺薄啦，真係唔知原來佢個海鮮飯咁特別，其他餐廳都未試過係咁。最後想講，個男侍應唔知係咪係度做既，問乜都唔知，總之今晚餐飯食左成肚氣！

銘洪執左之後成為渡船街的新飯堂，水準還可以，但勝左款式多，日日去都有排試