陳光記飯店

營業中

休息中

其實香港好似都有陳光記，我住係香港都冇試過。咁啱黎澳門玩兩手，緊係要黎食啲地道嘅葡國菜，但成11點咁早，邊有葡國餐廳開門。落船就搭咗啲發財車黎到新馬路附近搵餐廳醫下個肚仔先再去玩啦。就係咁就俾陳光記啲燒味吸引咗我行入去。好采因為閒日同埋早到所以都冇乜人。擺燒味嘅食店黎講，個環境都算係乾淨嘅，啲員工都幾好笑容，幾有禮貌嘅 。一黎到有俾杯水俾我地，加分好啦，咁食物呢我地就叫咗兩碟黑椒燒鴨飯。講真好正，好重黑椒嘅香。正呀正呀  淨係得燒鴨邊夠架，我自己就鐘意食多菜少肉。所以就叫咗碟油菜。我地以為係一碟少少菜咁，點知黎到咁大碗。附上餐牌一張，其實都幾抵食

如果話豆腐火腩飯是男人的浪漫、那我會認為陳光記的馳名黑椒燒鴨就是浪漫中的浪漫！ 係咪好玄呢？ 來了澳門好幾年、陳光記可算是其中一家可以令我回來回味再回味的食店、其黑椒燒鴨實在嬴盡澳門街的燒味店、鴨肉香嫩又帶点黑胡椒的辛香、肉汁豐富、而用其燒汁來伴飯確實醒胃…… 閒閒地一個人嘆番半隻也不為多…… 但要注意一点、由於太知名且又在中區關係、此店經常爆滿、食客如雲、如果要求坐得舒適的話就真係别來好了…… 也不要期待有什麼服務、店員其實一整天忙個不停、又怎可能再給你服務呢？ 為了一嘗那無比的燒鴨香、我認為以上兩点也不重要了！

雖然這間以黑椒燒鵝、燒鴨於澳門街馳名的「陳光記飯店」在數月前已經在香港開了分店，不過想吃這店子的燒鴨或燒鵝，個人覺得還來到澳門吃才夠地道。這天來到的時候，不比前次與友人同來那麼早，已是午市的繁忙時間，店裡店外都是密集的人群，在店內坐的人多，在店外站的人也多，幸好我只與太太兩人同行，所以不消一會，便可入內用餐。雖然都有馳名的秘製黑椒汁，燒鵝的價錢可比燒鴨貴多了，雖然燒鵝總比燒鴨好吃，此行無非想回味這兒獨特的黑椒風味，那便吃「黑椒燒鴨飯」好了。澆了秘製黑椒汁的燒鴨與白飯特別刺激和有風味，讓這「黑椒燒鴨飯」比一般的燒鴨飯來得吸引，雖然這兒的燒鴨只是中規中矩，別有風味的黑椒燒鴨仍然值得一試。可惜這天的秘製黑椒汁下得不夠多，不然相信會更加好味。

又黎澳門玩啦！原本想去瑪嘉烈食葡撻，點知門口排成70幾人，即刻轉場去陳光記先！去陳光記，只係想食佢地出名嘅黑椒燒鴨。叫咗碗黑椒燒鴨麵，黑椒燒鴨叉燒飯同菜心。菜心好多油，多油到有d接受唔到，另外，油菜唔同香港嘅油菜，係無蠔油提供！食燒鴨都唔同香港食法，係無甜梅醬提供，叫佢地俾甜梅醬，佢地俾咗燒鴨汁。明嘅明嘅，哩到係澳門，唔係香港嘛！明嘅明嘅！叉燒份量頗少，肉質實咗少少，而且同香港叉燒唔同，唔會好甜，哩個口味，唔係我中意嘅口味。今次食嘅燒鴨，肉質唔夠實，有少少霉嘅感覺，有少少失望添.....係香港食麵，鹼水味好重，陳光記嘅麵無哩個問題，麵質夠彈牙，正！總括黎講有d失望，希望下次幫襯有改善啦。

趁着聖誕假期去咗澳門一趟，聽人講呢間陳光記好出名，就特登搭車去食。一去到門口就排晒長龍。堂食就要排，外賣就唔使。買外賣嘅人10分鐘左右就買到。不過，我哋諗唔到去邊度食所以就排隊堂食，叫咗一個最出名嘅黑椒燒鴨飯，同一碗淨雲吞。個黑椒燒鴨飯＄38，燒鴨都幾多，飯都好大份，足夠一個成年男人食飽。最重點係佢個黑椒汁，唔係剩係得辣味，食落有啲甜甜地，好啱送飯食，值得一試。但係，佢嘅雲吞就麻麻地，個皮好厚，而且一夾就爛，味道普通啦，可以唔洗試。值得一提嘅係，鋪頭嘅員工好溫馨，有講有笑。隔離枱有個人留低左個袋，個員工就大喊，係咪送聖誕禮物俾我哋啊，唔記得拎野啦。頓時覺得間鋪頭都幾有人情味。

員工態度差，無鴨肝又落單，之後又比鴨腎，又話係肝，環境極差，又擠迫，食完即刻要走，食物普通，並唔係所講咁好食，同香港啲燒味冇得比，食完仲去左急症室，又嘔又痾，吾會再去

又到澳門，又係食好嘢嘅時候，今次搵到出名嘅黑椒燒鵝陳光記，聞名已久，終於嚟到試到喇，據稱有兩間店，一間喺氹仔，一間喺澳門... 氹仔店只做外賣，澳門店就有得堂食... 就去咗澳門店喇...舖面太少座位，遇着午飯時間，要排隊等入坐... 好唔容易迫咗埋去其中一張細枱，叫咗半隻燒鴨... 燒鴨比燒鵝平一半，未肯定好唔好味，先試燒鴨，好味先再加碼... 🤓黑椒燒鴨上枱，滿滿嘅黑椒舖滿燒鴨，非常吸引... 食落濃濃嘅黑椒，由裡面滲出嚟，非常入味... 😋但食慣香港燒鵝嘅我，就愛皮脆肉嫩，呢間陳先記燒味，肯定唔係我杯茶～🤢有圖有真相，呢張係剛燒鴨剛上枱嘅賣相，一啲都唔脹卜卜～😓說好的加碼燒鵝，我唔試咯，留番俾其他人試咗話我知啦～😏

澳門陳光記燒味飯店，值得一試再試，雖然座位迫窄，食完要即走，但試完佢地招牌菜便回味無窮。先講黑椒燒鴨飯，味道好香，鸭肉被完全滲透了濃香黑椒味，一試難忘。最值得讚是這裏的生菜红，超淋夠滑，入口即溶，配上入味湯底，生菜完全入味，超欣赏。

黎到澳門 check完in 係附近搵食下午三點鐘，見到店內人頭湧湧 見唔洗等位 一入就有位叫左招牌既黑椒燒鴨飯果然 好香黑椒味 都幾惹味 叫左個鴨肶肉質都幾軟腍 皮都幾香 但唔脆配埋飯 都幾好送飯 好快食曬一碟飯友人叫左叉燒切雞飯雞略肥 叉燒唔太好食有d失望可能間鋪主打鴨同鵝啦好多人都食呢二樣為主 人來人往 好多人排隊黎食伙記都好忙碌 無咩禮貌 ～呢個係餐牌原本想叫面食 但要等30分鐘 生菜紅又要等30分鐘所以只能叫飯食好在燒鴨都唔錯值得一試門口都掛滿鴨食指大動

排隊飲茶，排隊食西餐不為奇，沒有想過燒味飯店都要排隊輪位，店內仲可以係迫爆個種真的不可不試。胡椒鴨飯看落沒什麼特別咬落就知，胡椒加上八角香料做汁，側重胡椒香味味道帶甜甜地，鴨身全入哂味真的好食到停不了。菜紅紅係鴨紅配上秘制胡椒汁同樣受歡迎👏好味自然多人幫襯難怪迫爆都黎 。排隊等候情況

食完瑪嘉烈，行番出大街就見到哩間陳光記燒味！女友話哩間嘅黑椒燒鵝好出名，於是不妨試一試。叉燒同香港嘅口味差唔多，無太大分別，哩方面預左，好味但唔會有驚喜，正常嘅，黑椒燒鵝以為有黑椒，會有d辣，但又食唔出辣味喎，有黑椒味但唔係好強烈，反而鵝肉肉質唔錯，唔會乾哂身，夠肉汁，皮薄但唔係脆，係唯一美中不足。返香港最後一站就係黎哩到買隻黑椒燒鵝返香港，好好彩當日最後一隻被我掃走，果時都只係晚上7點幾，所以下次黎幫襯。最好早d黎！

等左五至十分鐘，點了胡椒燒鴨瀬同叉燒燒肉飯。燒鴨好有胡椒味，好juicy，瀬粉似米綫。另外叉燒偏瘦但好有肉味，唔會太韌，燒肉皮好脆，肉好香，唔咸。飯的醬油淡口，唔膩，同燒味好夾。

當我在外邊排隊之際，我叫幾位朋友去到這個另一旅遊熱點。 如果對澳門有一點認識，你都知道吃完瑪嘉烈蛋撻後面另一出名的選擇。 就在那條小街後的那間陳光記，那間以燒臘為主的米芝蓮美食推薦的小店。 入到去，那個差劣的環境的確有少少倒胃口的，周地都是鵝骨，牙籤，用過的紙巾，說真，我來咁多次都冇試過咁污穢不堪，幸好朋友們都沒有所謂，一行七人坐下那張圓枱剛剛好，說真，環境不是舒適，也有點迫，但為左食好野，無辦法。 來到後，當你點菜的時候想叫一隻燒鵝時，阿姐好似好驚咁，你叫燒味佢會一路叫你去門口，叫你問師傅有冇燒鵝俾你，好似佢好有難言之隱咁。 然後去到門口那斬燒味的地方，那個哥哥問左幾次，諗可唔可以俾一隻我諗到仲辛苦過愛因斯坦在蘋果樹下諗相對論，最後俾左兩份例牌俾我。 上枱一刻，其實兩份的例，剛剛好大約半隻左右，我們還有兩餐之後要吃，半隻在量控來說，也不錯。 說真，來到的燒鵝麻麻地，黑椒汁和那些酸酸的梅子在燒鵝面，不過燒鵝的面卻沒有了從前我見得到的光凙，較為暗淡無光。 吃下去的一刻，燒鵝皮依舊脆得漂亮，那個調得剛好的醬汁和黑椒味是那麼的入味，味覺上是沒有退步的。 只不過呢隻燒鵝肥膏十分強勁，脂肪比例

「澳門篇」陳光記黑椒燒鵝燒肉飯$65今次去到呢間要排隊的燒味店，不過好快就有位，因為大家都係是為速戰速決的！等左大約三四分鐘，燒鵝燒肉飯就上枱喇！餐廳會將黑椒汁淋喺燒鵝燒肉上面，令整碟飯都有黑胡椒味，不過並唔係平時食牛扒嗰啲黑椒汁，係餐廳特別調製的。燒鵝皮微脆的，而且肉質嫩滑，咬落juicy😍燒肉亦有微微黑椒香，好香好惹味！------------------------------陳光記 新橋(三盞燈/白鴿巢)高士德大馬路

我地好變態...食完蛋撻下一站就去番出面食下午茶...一日食幾多餐我已經數唔到...黎到陳光記雖然 4-5點...但都已經滿左一半人，睇黎好多人都似我地有咁多個胃...我地坐底就已經有目標 !! 一碟例牌燒鵝 另外再加多碟菜 同 一碗瀨粉 ~~ 瀨粉幾爽口 ~~ 好滑 !! 燒鵝好香胡椒味 ~~ 好入味 !! 都算脆口 !! 鵝味勁香 !! 唔算太肥 ~~ 大家都想買番香港...但我地未有咁早走就...放棄喇 !!