鳳城珠記麵食專家

營業中

休息中

行到門口見到好多人，其實入面唔算細，但 D 檯好迫，用盡晒所有地方... 等位時望住婆婆努力地包餃子，保證新鮮啊~點左淨魚皮角($15) & 淨水餃($13)各一碗~ 其實我覺得兩者既餡料都幾似，明顯唔同係塊皮~ 魚皮角口感係實 d，咬落去隻餃好似係食緊粒丸咁，皮同餡連為一體~ 我唔係話佢難食，味道幾好既! 個人鍾意水餃多 d~~

女朋友病咗响酒店房瞓覺，我一條泠自己周圍運吉!行行吓想食麪，但覺得黃枝記商業味太重，想食啲地道麪檔，行行見到呢間麪鋪好舊式，所以咪試吓囉!坐底諗緊食咩，我見到三位樓面呀姐不停包雲吞、水餃，而我又見一個呀嬸入嚟話要買幾磅生雲吞、水餃外賣，我心諗就試吓啲水餃.....唔該一碗水餃麫吖!麵彈牙但唔知點解有啲'立"口，但都好食(同祥記有啲相似)，水餃唔似香港嗰啲，好重豬肉同虾味，水餃皮比香港厚而實，幾有口感，再加上"豬油"所以啲麪特別好香! 最有趣係啲醋(我好大鄉里)，係魚露咁嘅色，比大紅捷醋味淡，但食麪時点上麫就唔"立"口。...而價錢係 $13-蚊，有咁嘅質素我覺得好抵！

來到這裡, 人又熱又飽, 但想到來鳳城珠記只要剩吃魚皮角同水餃, 又不會太頂肚, 好, 照吃.魚皮角: 9分, 店方在前面包皮角同水餃, 一邊看一邊吃, 也係個視覺的享受. 魚皮角是這裡的名物, 果然係相當吸引. 魚肉皮加上入面的蝦肉豬肉冬菇, 沒有腥味, 怕腥味的文迪本來有猶豫, 但她一吃就連吃三件, 那應該代表到這魚皮角的威力. 小弟就覺得只有鮮味, 沒有腥味, 精彩.水餃: 9分, 比起魚皮角, 水餃更加有驚喜, 香口的豬肉, 加上鮮甜的湯底, 實在係不能不吃光.係相當滿意的一餐, 就算極飽也匆匆吃完, 吸引力實在非同小可.魚皮角 $15 + 水餃 $13 = $28

妹妹愛吃鳳城的雞腸, 因很少地方有供應, 但今次沒點. 一行三人共點了三款食物分享:水餃: 與香港的不同, 沒有木耳和荀, 有蝦和豬肉. 餡料充滿著新鮮的味道魚角: 饀料和水餃相似, 但外皮用魚肉造成, 有魚味但無腥味油菜: 靚菜芯, 很甜, 很有菜味, 無叫少油都不多油可惜鮮搾蔗汁無貨!每次都很想外賣生水餃和魚角返香港, 但每次都因不肯定航班, 擔心變壞而卻步......

小妹我不嬲都最愛包住既野~~雲吞同水餃邊間好食,邊間唔好食,我都一試就知~淨雲吞,嘩~真係好鬼正,雖然不大粒但味道很濃郁,食完又食都唔厭淨水餃,都係超好味作品,比雲吞大粒~~正

早幾年來澳門，跟著旅遊書的介紹來到這裡那次的旅程前後吃了兩次，吃了第一次覺得好好味，所以在臨走前再吃多次 今次旅程中也計劃再到這裡 我們叫了一碗淨魚角 ($15) 再加碟油菜 ($10)老闆娘告訴我們，魚角有豬肉、東菇和蝦吃得出蝦是新鮮的，每啖也有鮮菇味 最後我們要了每樣生的（魚角、雲吞、水餃）半磅打包跟香港的家人分享老闆娘叫我們放心，天氣還不算太熱，可以 4~5 小時不變壞P.S. 生的魚角/雲吞/水餃一磅有大約 23 粒

一月上旬街邊那檔明記，牛雜麻麻，地理位置頗佳，被交剪聲吸引，結果浪費胃納在「削身」的牛雜上，很辣要找點喝，來到這裡。人人都說這裡的水餃出名，奈何謂納有限，見這裡有賣蔗汁，很奇怪的就坐埋邊飲杯野。兩支蔗汁，滿滿的五百毫升每支七元，清甜解辣，沒有下糖什麼的，信天然取勝，這裡的味道與中環公利一樣的好，路過買支來試試吧，不會叫你失望的，借蔗汁為名，又影下不少相片，滿意的埋單去～下次來，會吃鳳城水餃。P.S鳳城珠記有兩檔的，另一間在京都酒店附近。

鳳城珠記魚角上年都有食，之後一試難忘﹗今日下午來到無上年咁多人了，可能真係經濟差左，少左好多人去旅行，今年的澳門好似人少左呢﹗魚餃皮藏著一種彈牙既吸引力，每次一咬都是一種新刺激，餡料豬肉又香又惹味，真係食完想再食架﹗隻隻飽滿，你地睇幾多料0係入面﹗好多阿姐係度係咁包係咁包，仲好友善同我地講0的水餃用咩餡料添﹗很窩心呢﹗

早上摸了一次門釘，下午最終都到此店吃下午茶。點了水餃麵，雲吞魚角麵和鯪魚球菜心，水餃做得相當好，鮮甜爽口，雲吞和魚角一般，但魚角函料竟有帶子，真是有真材實料的。鯪魚球富鯪魚味，有家裹做的感覺，質感像手挅的，不像機做的。菜心也很新鮮，雖然貴也不覺不值得。

澳門美食多不勝數，好多時我都會週圍搵嘢食，今日咁啱嚟到鳳城珠記，呢間店號稱嘅鎮店三寶分別係鮮蝦靚雲吞、鳳城鮮水餃同埋祖傳魚皮角！而今次我想介紹比大家嘅就係佢嘅三寶之一：魚角麵！呢度嘅魚角其實係魚皮包住新鮮豬肉同冬菇，魚皮其實同魚皮餃所用嘅皮差唔多，不過佢嘅魚皮來得比魚皮餃嘅皮薄好多，亦滑好多，食完都唔覺食咗，因為已經滑咗落喉嚨！ 用嚟做餡嘅豬肉剁得起膠，冬菇味道好濃，豬肉嘅鮮美肉汁再混和冬菇嘅香濃，味道真係唔錯，雖然餡唔係大大嚿肉，都已經好滿足！配魚皮角我就要咗麵，唔鐘意嘅話亦都可以配米粉或者河粉，視乎個人喜好。珠記用嘅麵質感爽滑彈牙，有蛋味，冇梘水味，再配埋大地魚做嘅湯底，夠晒鮮甜，食完唔會口渴，$15一碗幾抵食！呢間舖頭都算係老舖，招呼就冇乜，想食乜叫就可以嘞，舖內嘅裝修都係好普通嘅麵檔格局，枱好多亦有啲迫，好多位仲要貼牆坐，不過為咗食碗好麵，其他嘅都係其次！ 順帶一提，因為魚皮角香港冇乜地方有，所以好多人都會買嚟做手信，亦係佢鎮店三寶之中最貴最好賣嘅，以後嚟澳門，唔駛淨係買杏仁餅咁單調嘞！

回到中區,尚在黃昏前,趁在正餐之前,再掃多兩檔,本來走入後巷吃牛什,可惜生意或者太好,已經一早關門.結果,來到鳳城珠記,吃個魚皮角作為補償.魚皮角又不算同我們吃慣的魚皮餃一樣,前者是順德,後者是潮式.兩者已不同,但一樣是用魚肉做成皮,很彈牙滑溜,不易穿,差一點滑到直入喉嚨.而珠記的魚皮角餡料,是蝦肉同豬肉.味道皆鮮,兩者互相輝映.另一味水餃也好吃,非我們常吃的,用蝦,雲耳,豬肉作餡的水餃,而是一味用豬肉,混合其他材料剁碎成餡.味道一樣地鮮.最後,湯也不放過,喝到碗底見天,點解?因為湯底清鮮得來,更帶有一點幽香的味道.下次再來,要碗水餃,魚皮角,可否給我一碗淨湯?

本來諗住去添發食碗仔翅，好可惜撞正佢休息 於是行返出黎見到鳳城，諗起好多人讚旅遊書又有講，於是去試下啦 !叫左淨魚角、鴨紅米、咖喱牛腩麵同水餃雲吞慣例 d 食物一黎老婆係會試下啖湯先嗯 ..... 果然係好味 d 架喎，好鮮既味唔似係味精湯難道 lee 隻就係大地魚湯 ?忍唔住飲多幾啖呀 ! 再食下個魚角 ...... 好足料喎 !咬落去好實實在在既肉類同菇菇，好味 !之後到老婆個鴨紅米老婆話鴨紅好滑比起香港果 d 豬紅仲要滑不過我就唔敢試上，好似好噁心咁 .............. 雖然當時都已經 8 點幾 9 點過左食飯時間，但條菜依然好新鮮好爽跟住就係我既至愛 - 咖喱牛腩麵估唔到主打唔係咖喱但佢 d 咖喱夠晒辣又好好味食到我大汗疊細汗咁，爽呀 !最後個水餃雲吞感覺上就被魚角比下去了 ..............

見到D食評同旅遊書寫好OK~於是就決定去試啦... 不過試完之後勁失望...魚皮角... 其實同普通豬肉餃 無分別... 完全可以話周街都食到果隻...雖然冬菇味好香... 不過依然比唔到驚喜我...個湯底好清... 可以話連味都唔多果隻...當水飲都仲得...而且態度方面... 勁差... 差唔多成豌麵掉落張台咁...嚇到我... 都唔知點好... 講真試完無下次...

2008年2月16日下午三點三十分鳳城珠記麵食專家澳門大街(營地大街)127號地下今日下午我同同事去完大三巴，就去左搵鳳城珠記食魚角餃！二年前我食過兩次好味，之後都有請朋友係鳳城珠記買左一磅比我，我今次去係特登想買2磅回家的！搵左一輪先搵到，因為已經係兩年前既事，有印象但唔太深(我一向都唔多認路)，睇完地圖都唔知係邊，唯有打返香港問朋友仔，講完一大輪先知大約係邊，就同我同事一齊行過去啦！左搵右搵終於去到見到鳳城珠記，好開心咁入去搵位坐底！因為我地之前已經食左野，而且我同事想試下好冇味，好味就佢都諗住買一磅返香港的，所以我地只係叫左一碗淨魚角，等左一陣，就送左黎，我就夾左一隻比同事，一隻比我自己，同事食左一口，就問我係咪豬肉黎，我都食左一個角仔，發現係豬肉加左d 菜，同我之前食既有d 唔同，之前食既有冬菇，正係度疑惑緊既時候，有個阿姐係我後面囉住另一碗野，跟住就聽到另一個阿姐話：都話個魚角係個張枱囉！原來，我地後面個枱疑似內地同胞叫左一碗水餃，但另一個阿姐將佢同我地叫既淨魚角調亂左！說時遲，那時快，個內地男同胞就叫阿姐放低比佢！咁我地就同阿姐講叫佢換返魚角比我地啦，阿姐就話：你地叫多碗魚

記得廿幾年前我阿爸同我去探親，澳門Ｄ親戚一定送盒十月初五街鳳城水餃比我地！果時Ｄ水餃入面會加入芝麻所以特別香同好食，而香港做既水餃比澳門始終差Ｄ！但係這種傳統風味漸漸消失係澳門街自從無線介紹過珠記之後，我再食到果一種失落了廿年既味道！淡淡既湯，有芝麻味既水餃令我想起小學時代與爸爸同行既我！世上總會有一些味道令人懷念