影片
以上資料只供參考, 請與餐廳確認詳情
#搞串個pantry喺澳門司打口⛲️，既有文青嘅一面🎨，又有葡式嘅一面🇵🇹。我哋今次就嚟食呢度嘅特色葡國菜🍴。一入舖頭有葡國藝術家🧑🏻🎨Vhils嘅牆雕壁畫，再行入啲有溫暖葡式家庭風餐枱🛋️，閣樓就用咗復刻異國風裝修🪟。餐廳嘅氣氛有家庭風🏡嘅人情味同埋歡樂🥳，廚師、店員會同食客傾下計💬，而本地人會喺呢度親友聚會👯。呢度嘅座位唔多，建議預早book定位📲。🥧葡式辣魚清爽蟹肉迷你撻雙殺 Sardini - Crab Delight Duo Mini Tarts ($88)葡式辣魚係葡國菜嘅標誌🐟。迷你撻好酥脆🫦，魚香味好濃郁，配埋辣味🌶️同咖喱醬嘅調味好夾，食落好香😋。蟹肉迷你撻🦀酥脆之外，多咗一層酸味調味，做到清爽開胃🎐嘅感覺。🐮勁揪配料配嘴藐藐側腹橫肌牛 Skirt Steak with Hot Garlic ($350)呢一道菜係餐廳廚師研發之作🧑🏻🍳。醬料用巴西里、蔥油🪴等等嘅香料調配，好夾牛嘅油花香🥩。牛嘅部位特登用側腹部🐄，油花嘅分布同埋肉質都好靚、好嫩😍。🐟脆味薯絲馬介休 Bacalhau a Bras ($138)薯絲馬介休🥔就係澳門葡人嘅comfort food，呢度菜代表着屋企嘅味道🏠。呢一款係廚師嘅家傳食譜🤫，有薯仔絲、洋蔥🧅、同炒蛋🍳，而馬介休味融合晒配料嘅味道🎏，加上脆薯絲增加口感👅，好有「土生」菜嘅感覺。🍺Super Bock~Portugal ($36)呢一款係葡國啤🇵🇹，比起平時嘅啤酒更加重麥味🌾，好夠風味，同啲菜式好夾😆。🥤青檸梳打($35)梳打嘅氣泡綿密🫧，配埋青檸嘅酸味夠晒清新🤩。而且味道自然清爽🙌🏻，真係用青檸角🍋篤出嚟。📍澳門司打口柯邦迪前地12A地下(藝舍酒店旁)📍TUE-SUN 17:30-翌日01:00
繼續閱讀
您可能會有興趣的...