影片
以上資料只供參考, 請與餐廳確認詳情
老公在美國加州長大, 勁鍾意食墨西哥菜, 我對墨西哥嘢認真麻麻, 有得揀, 情願去對面食喜蓮咖啡,不過為搏傻佬一笑, 捨命陪君子而已.呢間餐廳在阿曼諾斜對面, 話時話又幾爆場, 遲啲入都差啲冇位,幫襯的都是在澳門工作的外國人, 英美澳口音乜都齊.店員都是菲律賓人, 唔多識廣東話, 但服務態度唔錯.我地各點了一杯 Lime Margarita跟飲品有免費的Tomato salsa & chips, 好新鮮, 辣辣地, 幾有誠意, 但份量太少了, 所以叧外點了個Guacamole吓, 六十蚊, 咁細兜嘅?味道係啱啦, 但牛油果生咗啲, 入口果肉有啲韌.主菜點了個店長推薦的Guerrero即係麵粉皮包住雞肉豆醬芝士之類,墨西哥嘢來來去去都係一pat嘢咁,呢碟個賣相麻麻, 麵粉皮冇烘過, 就咁包住啲料, 旁邊碟sour cream又係白,好在切開裏面啲雞肉醬都幾好味.老公點的Combo Enchilada其實又係麵皮, 但就混有玉米粉, 所以黃色, Combo有三塊玉米卷, 分別是牛肉, 芝士及素菜, 伴碟有青菜沙律及墨西哥飯, 價錢唔貴, 一定飽肚囉.兩人連飲品食了MOP320.
繼續閱讀
您可能會有興趣的...