影片
付款方式
座位數目
226
其他資料
24小時營業
酒精飲品
自帶酒水
詳細介紹
切餅費
詳細介紹
泊車
詳細介紹
加一服務費
以上資料只供參考, 請與餐廳確認詳情
招牌菜
這間常滿飯莊位於金沙城的一角，好像不太起身，但它二十四小時營業，就算玩到半夜肚餓，或者一早起身諗唔到食咩，都可以去e間飯莊。環境衛生都OK，話晒係賭場經營既餐廳，質素都唔會太差，特別欣賞佢既即炒飯麵，有鑊氣得黎味道很好，有高級酒家水準，當然價錢也不會太平，一個炒飯炒麵太約一百蚊禁上下。另外重有生滾粥，燒味，點心，小菜，打邊爐都有。真係可能話係金沙城既通宵飯莊。佢既福健炒飯，係我近年黎食過最好味既炒飯！
繼續閱讀
因為今次過來夜得制上完酒店落黎就即刻搵野食見到佢食小菜就揀左呢間喇佢比左壺水我地但我地見人地飲緊茶問完佢先發覺原來可以飲茶如果佢一開始問我地水定茶會好d野食方便三杯雞味道不錯 甜甜地幾開胃四季豆都ok反正海南雞飯麻麻個湯吾得不過地方舒服價錢都ok
繼續閱讀
由於今次去澳門同屋企人一齊既關係，佢地麻麻地掃街，比較中意坐低慢慢食，而且亦較喜歡中菜，加上酒店係金沙城，所以晚餐就係金沙城中心解決，唔駛行去氹仔舊區咁遠。金沙城中心有唔少既中菜餐廳，當中呢間價位唔算好貴，而且我地又對幾款小菜有興趣，所以就揀左「常滿飯莊」。餐廳新出左幾款韓式料理，我地就揀左一個韓式石鍋飯。呢個飯全部都係素菜，另外有一小碟韓式辣醬可供自由添加，不過就真係直接由韓式辣醬裝出黎，無再添味既醬。味道普通，不過勝在夠熱，有脆卜卜既飯焦。其中我最中意既係呢款魚香茄子炆雙米，即係米粉同粉絲，前者爽口、後者Q彈，一個菜式、兩個口感。魚香茄子亦真係有鹹魚粒，所以整體好夠鹹香。大人就中意食魚，所以點左個椒鹽鱔。魚肉嫩滑，啖啖肉，又夠鑊氣，連炸蒜都撈哂。齋望個色水，都知呢個三杯雞整得好唔錯。雖然唔係新鮮雞，無雞味可言，不過九層塔夠香、雞肉夠滑。今晚豬、牛、雞、魚都有食到，牛就點左呢個我中意食既金錢肚，其實味道就好似平時港式點心金錢肚個味，不過呢個金錢肚口感再煙韌、彈牙d，下面仲有唔少炸薯角，可惜醬汁太多，薯角唔再脆，而且薯角同金錢肚唔太夾。味道唔錯，不過芡汁太杰，每啖牛肚都掛上太多汁。我全餐唯一無試既就係福建炒飯，因為唔太中意d飯濕淋淋，個汁又杰噠噠。食物質素整體都滿意，唯一唔中意既就係茶，一個人又係一壼茶，我地六個人又係一壼茶，茶包好快就無味，叫職員換個包，但佢話要加錢先可以換….呢一刻先發現多人食飯既缺點….
繼續閱讀
昨天晚上的雞鮑翅生日宴實在太飽，中午不如就在喜來登酒店內簡簡單單吃吧！朋友建議常滿飯莊🙄方便他們到賭場玩樂呀！快快的叫了海鮮炒烏冬、 揚州炒飯、叉燒例牌和其他小食。 哎呀……像鼎爺話簡單才是巧手菜，炒烏冬內的帶子鮮、鮮蝦甜、魷魚滑味道適中一定要推介，炒飯也不過不失，但半肥瘦叉燒不油不膩是他們每次都會點的，其他小菜也可以，價格不高可接受，因為話哂都係酒店內的中餐廳，可惜他們員工的服務態度非常一般，記得叫茶要另外收費。
繼續閱讀
星期六同朋友過澳門玩，夜晚去左賭場玩贏左錢，跟住請朋友仔去賭場內小菜館食宵夜，入去「常滿」食野果時已經夜晚12:30～店內唔算多人，24小時營業～我地order左乳鴿、鮑魚雞粥同其他小菜～乳鴿ok,夠入味，但鮑魚雞粥唔得，冇味～又貴，$168/碗～唔值
繼續閱讀