影片
更多
2022-07-13
471 瀏覽
主打做打邊爐🍲 「那個鍋 」同樣提供外賣套餐，甚至燒烤和火鍋套餐都有得外送，身邊朋友話火鍋套餐回頭幾次，有機會真係要試下，呢兩次中午放飯叫住個 「一人主食套餐 」外賣先！～.胡椒豬肚雞餐 ($70）轉寬粉 / 轉菊花杞子茶 / 跟小食兩個加料 鴨血 ($8)金湯金菇肥牛餐 ($70)轉寬粉 / 轉菊花杞子茶 / 跟小食兩個加料 鴨血 ($8)～🥡 主要有8款一人主食套餐選擇，基本上湯底材料以平時打邊爐湯底為主，價錢由$58-$68不等，亦可以加錢加其他配料飲品等，前後兩次分別叫 胡椒豬肚雞 和 金湯金菇肥牛 。.套餐跟一個白飯，或者+$5 寬粉/ 烏冬/ 出前一丁，再搭配兩個小食 ( 涼拌小青瓜＋川味豬肚絲)，飲品方面見現時外賣平台上只跟維他盒裝飲品，轉飲品要加錢，我當時可以揀枝裝菊花杞子茶。.寬粉會痴埋一齊，需要放落湯底浸一浸，相對煙韌和偏厚身，要咀嚼好多下😅，第二次食時口感較好，如果個粉薄少少好啲。金湯金菇肥牛重蒜蓉香味，底下仲有粉絲墊底，呢個湯底揀寬粉係唔錯，配料足，湯底夠味。另一個胡椒豬肚雞較清淡，湯底胡椒味不重，反而feel到似粟米湯清甜感，豬肚和雞肉份量都幾多，雞肉肉質算
～
.
胡椒豬肚雞餐 ($70）
轉寬粉 / 轉菊花杞子茶 / 跟小食兩個
加料 鴨血 ($8)
金湯金菇肥牛餐 ($70)
轉寬粉 / 轉菊花杞子茶 / 跟小食兩個
加料 鴨血 ($8)
～
🥡 主要有8款一人主食套餐選擇，基本上湯底材料以平時打邊爐湯底為主，價錢由$58-$68不等，亦可以加錢加其他配料飲品等，前後兩次分別叫 胡椒豬肚雞 和 金湯金菇肥牛 。
.
套餐跟一個白飯，或者+$5 寬粉/ 烏冬/ 出前一丁，再搭配兩個小食 ( 涼拌小青瓜＋川味豬肚絲)，飲品方面見現時外賣平台上只跟維他盒裝飲品，轉飲品要加錢，我當時可以揀枝裝菊花杞子茶。
.
寬粉會痴埋一齊，需要放落湯底浸一浸，相對煙韌和偏厚身，要咀嚼好多下😅，第二次食時口感較好，如果個粉薄少少好啲。
金湯金菇肥牛重蒜蓉香味，底下仲有粉絲墊底，呢個湯底揀寬粉係唔錯，配料足，湯底夠味。另一個胡椒豬肚雞較清淡，湯底胡椒味不重，反而feel到似粟米湯清甜感，豬肚和雞肉份量都幾多，雞肉肉質算嫩。
.
總體份量足，單是主菜個碗幾大份，可能同樣兩次轉寬粉，飽到晚餐食唔落😂，偶然食一餐幾滿足。
張貼
