經典意大利餐廳

營業中

休息中

復活節假期去左澳門玩，想試Robuchon不過無位，旅遊書介紹呢間餐廳，上黎open rice見到食評唔錯，即管一試。我同我朋友中午未夠12點就到，餐廳好大，客人不多，不過員工好多，所以服務都好周到。我order了一個雜菜湯自己飲，然後share pizza同食友介紹的檸檬clam意粉同埋一個墨魚/八爪魚冷盤。由於個日有D凍同極之肚餓，所以個湯一到已經有好溫暖的感覺。非常home made，個墨魚/八爪魚加埋青口粒已經熟，一D都唔靭，好軟熟，淋上橄欖油、檸檬、蒜茸、蔥，海鮮味好濃，好食！pizza就okay，我自己比較中意個意粉，clam好新鮮（不過有小小沙），好清新，唔heavy,最後order tiramisu，都唔錯，埋單都唔平，不過以呢個質素/環境，我覺得物有所值。值得提既係，員工好努力甘問我哋食完未，有人會錯覺佢哋係想我哋快D走，但個日得幾台客，佢哋收完碟后就無再騷擾我哋，我哋最後hea左三個鐘頭，所以我比較相信佢哋係出於好心，想我哋台面乾淨。可以一試。