一哥美食

營業中

休息中

去到澳門搵美食，根據地圖顯示水蟹粥排第一位，梗係要去試吓啦，呢間一哥水蟹粥好近關口。經過一輪，終於搵到一哥水蟹粥，一到達現場，已經有人排緊隊，不用15分鐘就有位，都算快. 店內好多人都叫小炒，心諗有點奇怪。我哋叫咗細嘅水蟹粥，一碟豬潤腸粉。等咗15分鐘左右，水蟹粥才送上，因為太多人緣故，出品都需要時間，但服務員好有禮貌，店內嘅員工都好親民。終於萬眾期待嘅水蟹粥出現了，一煲細嘅水蟹粥有兩隻蟹，足底有一些大頭菜，白色粥底，粥底比較稀，冇咩蟹味，冇氹仔嗰間咁好味，但一試無妨。腸粉唔夠滑，有點厚身，但豬膶都叫爽口，如果臨走前想食水蟹粥，一是無妨。