影片
更多
2015-09-20
2532 瀏覽
隨著澳門嘅開放與發展, 澳門嘅餐飲業都變得多樣化同高水準. 除咗豬扒包, 葡撻等當地特式小色, 星級 fine dining 嘅餐廳亦不少, 御膳房就係其中之一. 寫啲篇食評嘅時候真係好苦惱, 因為個腦剩係諗到啲幾個形容詞:好味呀!好味呀!, 好靚呀!好靚呀! 等 ... 其實一直唔明點解御膳房只得一星 , 因為論食物質素, 賣相, 環境, 價錢, 性價比都好高, 可以話一星嘅價錢, 三星嘅享受. 先講環境, 餐廳環境同氣氛非常舒適寧靜但又唔會令人覺得拘謹, 樓底好高, 每枱都有足夠距離, 食客都好有 manner, 唔會大聲高談闊論, 可以好舒適遊閒咁享受一個 lunch. 價錢方面, 可選 3, 4 或 5 個 course 嘅 set lunch : 3 course $348, 4 course $428, 5 course $498 (未計加一). 每次都好爭扎要 4 定 5 嘅 course 但每次都忍唔住會叫 5 個 course set lunch. 未上餐之前, 先奉上一籃麵包籃, 麵包有分軟包同硬包, 可添加. 因為要留肚, 所以只係食咗罌粟籽軟包. 麵包香軟,
寫啲篇食評嘅時候真係好苦惱, 因為個腦剩係諗到啲幾個形容詞:好味呀!好味呀!, 好靚呀!好靚呀! 等 ...
其實一直唔明點解御膳房只得一星 , 因為論食物質素, 賣相, 環境, 價錢, 性價比都好高, 可以話一星嘅價錢, 三星嘅享受.
先講環境, 餐廳環境同氣氛非常舒適寧靜但又唔會令人覺得拘謹, 樓底好高, 每枱都有足夠距離, 食客都好有 manner, 唔會大聲高談闊論, 可以好舒適遊閒咁享受一個 lunch.
價錢方面, 可選 3, 4 或 5 個 course 嘅 set lunch : 3 course $348, 4 course $428, 5 course $498 (未計加一). 每次都好爭扎要 4 定 5 嘅 course 但每次都忍唔住會叫 5 個 course set lunch. 未上餐之前, 先奉上一籃麵包籃, 麵包有分軟包同硬包, 可添加. 因為要留肚, 所以只係食咗罌粟籽軟包. 麵包香軟, 混和罌粟籽一粒粒脆脆的口感, 好味.
麵包籃
49 瀏覽
0 讚好
0 留言
餐前小食
59 瀏覽
0 讚好
0 留言
餐廳職員推介嘅前菜. 據稱佢哋係選取法國當地水質清澈嘅野生三文魚作為食材, 用低溫慢煮嘅方法嚟煮.
果然, 魚肉保持鮮嫩, 就算煮過都好似刺身咁滑, 入口即溶又唔腥, 配上香草汁, 3 件真係唔夠, 立即開胃.
法國頂級三文魚配香草汁
48 瀏覽
1 讚好
0 留言
餐廳職員會先將有蟹肉及粟米等材料嘅碗放喺你面前, 跟住再倒入熱湯. 現在係粟米收成嘅好時節, 粟米又大又香又甜. 將粟米打蓉做成湯, 粟米味非常之香濃, 湯身幼滑, 配上蟹肉嘅鮮甜及原粒粟米嘅咬口, 清甜味鮮.
香草蟹肉粟米湯
47 瀏覽
0 讚好
0 留言
龍蝦煮得彈牙爽口, 與野菌嘅質感非常夾. 雖然係配咖哩汁, 但咖哩汁打成泡沫, 一啲都唔辣, 只係有淡淡嘅咖哩香味, 溶合著野菌獨有嘅菇味, 再加上龍蝦嘅海鮮甜味, 口感層次豐富.
燒焗龍蝦配野菌伴咖哩汁
46 瀏覽
0 讚好
0 留言
上菜嘅時候嚇一跳之餘亦非常驚喜. 我等平凡之輩只會諗到鵪鶉係斬件隻上, 最多係斬得細件啲, 但點都連骨, 食嘅時候未免狼狽. 但上菜時見到鵪鶉已經去骨, 圓柱形2粒肉好得意, 唔話你知你都估唔到係鵪鶉.
鵪鶉去骨起肉, 將肝臟等內臟鑲入肉中, 再卷起慢煮, 令鵪鶉肉保持嫩滑. 因為鵪鶉肉鑲有內臟, 所以令肉味提升, 但味道濃而不羶.
配搭方面亦見心思; 茄子蓉同茄子片, 鵪鶉同鵪鶉蛋. 茄子蓉有很重茄子味等就不多說了, 但將鵪鶉蛋黃混和與蛋下的青紅椒蓉同食, 就好他他 feel.
法國鵪鶉配茄子蓉及橄欖油
45 瀏覽
0 讚好
0 留言
法國櫻桃香甜, 朱古力慕絲幼滑等不多說了, 最想講係可可雪芭. 一般食雪芭都係生果味如青檸, 野莓等, 可可雪芭真係好少食, 一食, 嘩, 估唔到咁好食, 可可雪芭都可以咁 fresh, 朱古力味濃得嚟唔太甜, 睇落唔覺咁凍, 但放入口就覺的好夠凍, 正 !
法國櫻桃配朱古力慕絲及可可雪芭
30 瀏覽
0 讚好
0 留言
個 Macaron 好煙靱, 好好食.
餐飲
26 瀏覽
0 讚好
0 留言
莓味啫喱糖, 熱情果味泡芙都好好味, 最好味係焦糖爆谷朱古力小蛋糕, 朱古力小蛋糕超軟熟, 焦糖爆谷好脆, 整粒啪入口先咬, 又脆又軟, 非常好食.
餐廳送的小甜品
31 瀏覽
0 讚好
0 留言
張貼
