沛記咖啡室 (已結業)

七年前誤打誤撞經過，聞到好香蛋糕味就衝入去買左嚟試，唔記得當時幾錢，剩係知好好味！七年後重遊舊地再食，繼續只賣合桃同提子兩隻味，$8/個，雖然有啲貴，個樣有少少燶，但依然咁好食。好足料嘅紙包蛋糕，口感扎實，牛油味夠，買嚟做早餐/下午茶一流。蛋糕細細，但食一個都幾飽。仲有長方形嘅盒裝蛋糕，料同味道一樣，$80/個。蛋糕最好即日食，隔夜叮返熱入面會有啲濕。