皇家葡萄餚

營業中

休息中

真係如果只得3、5個朋友嘅話，呢個Buffet算係一個值得推介嘅選擇，總好過只係叫得幾味餸，又或者叫到成檯嘢嘥曬。品種雖然唔算多，質素中上， 有各種香港平時好少食嘅葡菜菜式，馬介休有多種煮法，仲有燒乳豬，葡萄牙火腿、芝士，紅白酒任飲，環境相當好（ 真係好），$333無加一（ 平），又無乜人（靜），三幾個朋友吹下水， 對食物質數唔洗極度追求嘅話，值得一試！（註）不過“旅遊塔”呢個位真係隔涉咗啲，如果你由外港碼頭直接嚟嘅話，千祈唔好走去排長龍搭的士，喺的士站最前嗰度有巴士站，六蚊雞去到門口，又快又舒服！