影片
更多
2012-02-24
2463 瀏覽
看到樓下太多白痴食評忍唔住開個account為餐廳平反.本人是內港餐廳常客, 由做遊客食到而家在澳門工作.>>講價錢食物澳門五星價而四/五星水準的餐廳有不少, 喜歡的話自己揭旅遊書. 這餐廳是三星價四星水準, 想搵五星水準的, 唔好抱怨自己行錯地方, 關鍵係你係咪想畀五星價.至於那些嫌這裏貴的人, 去麥當勞吧. 老老實實, 澳門街坊式的葡國晚餐都唔會平得幾多.葡國人在澳門幾百年, 所謂葡國菜已摻左20%中式煮法, 要追求「純粹」西餐的話就索性唔好O係澳門食葡國菜喇.>>講服務我不會說這裏服務加零一, 佢唔係國內海底撈煩你等如關心你果種. 但你想安安靜靜食個飯, 又有合理服務, 佢提供到. 唔識字既都有相片集, 有些侍應廣東話唔流利, 用英文溝通更方便. 唔知食乜的話, 佢地都會好耐心講解, 亦可以叫佢幫你揀葡國酒.至於點解樓下食評咁勞氣,我都想了解下囉, 我經常介紹本餐廳給在澳門工作的外國朋友 (即係唔係遊客老襯) , 個個都同我講返話餐廳好食好舒服,有人甚至同我一樣做左常客. >>講食物樓下論馬介休球那段, 太精采了. 是否食到麵包就要
本人是內港餐廳常客, 由做遊客食到而家在澳門工作.
>>講價錢食物
澳門五星價而四/五星水準的餐廳有不少, 喜歡的話自己揭旅遊書. 這餐廳是三星價四星水準, 想搵五星水準的, 唔好抱怨自己行錯地方, 關鍵係你係咪想畀五星價.
至於那些嫌這裏貴的人, 去麥當勞吧. 老老實實, 澳門街坊式的葡國晚餐都唔會平得幾多.
葡國人在澳門幾百年, 所謂葡國菜已摻左20%中式煮法, 要追求「純粹」西餐的話就索性唔好O係澳門食葡國菜喇.
>>講服務
我不會說這裏服務加零一, 佢唔係國內海底撈煩你等如關心你果種. 但你想安安靜靜食個飯, 又有合理服務, 佢提供到. 唔識字既都有相片集, 有些侍應廣東話唔流利, 用英文溝通更方便. 唔知食乜的話, 佢地都會好耐心講解, 亦可以叫佢幫你揀葡國酒.
至於點解樓下食評咁勞氣,我都想了解下囉, 我經常介紹本餐廳給在澳門工作的外國朋友 (即係唔係遊客老襯) , 個個都同我講返話餐廳好食好舒服,有人甚至同我一樣做左常客.
>>講食物
樓下論馬介休球那段, 太精采了. 是否食到麵包就要投訴不過是麵粉加水?
我自己來吃的話, 必叫八爪魚沙律, 海鮮包湯同白酒煮硯, 新鮮好味. 不過食開味精既人可能嫌淡.
>>講環境
大陸客較少搵到黎呢到,比較靜. 這裏很cozy,裝修係舊世紀殖民地特色,要金璧輝煌的去新葡京吧.
題外話, 為免有人以為我收左錢, 我順道推介行過幾步路既船屋餐廳同海灣餐廳, 船屋平少少,環境氣氛差唔多,但無我最愛既海鮮包湯. 海灣貴D, 食物選擇多D, 問心我覺得最好食係佢, 不過我太喜歡內港的裝潢,所以很少過檔.
張貼