新益美食 (已搬遷) 新店位置

一過到澳門，友人就話肚餓，所以唯有改變一下行程，先到此店吃晚飯。薑蔥鮮魚皮︰超超超好味。雖然有一兩塊魚皮仲有啲魚鱗響度，但程度係可以接受。相比香港果啲得細細碟，真係好唔抵食。XX通菜煲︰呢味餸好香，差不多每檯都係叫呢個。味道方面都幾好，唯獨係莖多過葉。蛋白蒸豆腐︰雖然清清地，不過味道都唔係好淡。估計應該係有加上湯的。開始食時覺得不錯，不過食食吓覺得稀咗啲，如果可以實番啲會更好食。蔥油雞︰友人話好香雞味，一定要食。我都食咗好幾舊，真係好香幾味。唔知澳門係咪仲有新鮮雞供應嘅呢？真係好耐都冇食過咁香咁重雞味嘅雞喇！鴛鴦炸豬扒︰黑椒味果塊就普通。但芝士火腿果塊就好好味。芝士味夠濃。