義順鮮奶 (已搬遷) 新店位置

上星期六第一次去澳門，天氣熱到人都瘋，仲要係條街度行左好耐，先到大馬路。一見到義順--我上網睇屬於幾高人氣的鋪頭，即刻拉埋我個FD入去。環境OK LA，挺乾淨，星期六去，好多遊客，都唔使等位算好好一睇餐牌，價錢中等，叫左一個豬仔包及菠蘿鮮油包，一杯紅豆冰及什果冰(吓?幫襯義順唔係食雙皮奶?!)好，飲品黎先。我飲果杯係紅豆冰，冇咩甜味，紅豆亦唔係起沙，粒粒分明，口感偏硬。我個FD就飲什果冰，甜甜酸酸，不過不失等多一陣，果兩個包都黎。我第一次去澳門食馳名豬仔包，唔識分好壞，只係覺得個包有D硬，但D料好足，大大塊豬扖，口感都唔算乾，算幾好但個菠蘿鮮油包，即係菠蘿包加牛油係中間，就唔係咁好。 個包口感有D"淋"，可能係香港食得多，即刻比下去