禮記雪糕

營業中

休息中

本來叫左紅豆冰同雪糕三文治，點知果個人冇上到紅豆冰，所以我地剩係食左三文治咋﹗三色雪糕有士多啤梨、雲厘拿同椰子，椰子味幾好。但係d 奶味好淡，成件雪糕都比較淡，而且有如其他食家一樣，塊威化好淋。我原本以為係好脆，但係估唔到係咁樣﹗如果佢真係三文治，佢就一定係冇烘底o既三文治囉﹗有d 失望，塊威化可以咁淋，我除左諗到佢地呢2日生意麻麻地，所以produce 少左雪糕之外，我就諗會唔會質素已經大不如前。雖然係咁，仲有好多人廿枝廿枝咁買d 紅豆雪條。