小飛象葡國餐廳

營業中

休息中

今次都係近年第二難食嘅餐廳：（上次屯門紅椒力量第一，今次澳門小飛象第二）晚上8：00去到，無訂枱，樓下門口成堆人，以為實冇位，原來係D強國人圍埋食煙。點咗：蒜茸飽：一口咬落，唔香，冇味道，似沙紙。薯絲炒馬介休：成碟嘢上到枱唔知似乜，味道還可以，但見唔到薯絲。因為見唔到薯絲，所以多點了一份蒜茸炒椰菜：味道正常，還好真的有蒜茸。燒沙甸魚：一人一條，OK夠香，但係預先燒好，因為一點馬上到，也不夠熱。非洲雞半只：算了45分鐘，以為有好嘢食 ,點知係好普通嘅燒雞，除咗係即燒外，一無事處。無味，鞋，一D都唔非洲。葡撻：食到有D火，決定試埋葡撻。正！熱熱的，香噴噴。