影片
更多
2019-10-16
1277 瀏覽
難得放假，就過左澳門住酒店充一充電。今次係慕名而來米芝蓮一星餐廳—紫逸軒。紫逸軒貫切四季酒店的風格，唔會有過份嘅奢華嘅土豪裝修。一坐低，店員就馬上問你飲咩茶，全程都由佢加茶。店員仲會奉上紫逸軒自家製嘅醬料：豆板醬、豉油同埋XO比你食點心時點黎食。今次主要叫餐牌推介嘅點心，除特別註明都係三人份量，因為我地係兩人，店員仲好好咁話可以將食物份量轉做二人份量。燕窩海龍皇餃：外皮係綠色，海龍皇即是蝦，上要配有燕窩，口感幾特別，食落好清新。脆香海鮮腸粉：腸粉入面好似包住一層薄薄嘅炸兩，口感好脆，味道唔錯。蜜汁叉燒包：蜜汁配埋叉燒好好味，熱辣辣好好食。花膠瑤柱灌湯餃：個湯入面加左啲乾瑤柱好好飲，花膠係一條條，口感唔錯，灌湯餃都煮得好食。北海道帶子菠菜果：覺得整得好有心思嘅點心，整到似一個青蘋果咁，帶子+菠菜呢個組合都幾特別，味道清新。原隻鮑魚雞粒酥：即叫即整，所以等得耐啲，不過好好食，鮑魚連鮑魚汁咁放喺個撻上面，唔會覺得乾，好食。鮑汁海參黑豚肉餃子：呢個無咩特別，可以唔叫。食完點心之後，就叫左兩個甜品。一個係芋茸燉鮮奶，店員話係分左兩層，蛋白連埋芋茸食好好食，唔會覺得膩。另一個甜品叫左仙翁米蛋白杏仁
紫逸軒貫切四季酒店的風格，唔會有過份嘅奢華嘅土豪裝修。一坐低，店員就馬上問你飲咩茶，全程都由佢加茶。店員仲會奉上紫逸軒自家製嘅醬料：豆板醬、豉油同埋XO比你食點心時點黎食。
今次主要叫餐牌推介嘅點心，除特別註明都係三人份量，因為我地係兩人，店員仲好好咁話可以將食物份量轉做二人份量。
燕窩海龍皇餃：外皮係綠色，海龍皇即是蝦，上要配有燕窩，口感幾特別，食落好清新。
脆香海鮮腸粉：腸粉入面好似包住一層薄薄嘅炸兩，口感好脆，味道唔錯。
蜜汁叉燒包：蜜汁配埋叉燒好好味，熱辣辣好好食。
花膠瑤柱灌湯餃：個湯入面加左啲乾瑤柱好好飲，花膠係一條條，口感唔錯，灌湯餃都煮得好食。
北海道帶子菠菜果：覺得整得好有心思嘅點心，整到似一個青蘋果咁，帶子+菠菜呢個組合都幾特別，味道清新。
原隻鮑魚雞粒酥：即叫即整，所以等得耐啲，不過好好食，鮑魚連鮑魚汁咁放喺個撻上面，唔會覺得乾，好食。
鮑汁海參黑豚肉餃子：呢個無咩特別，可以唔叫。
食完點心之後，就叫左兩個甜品。一個係芋茸燉鮮奶，店員話係分左兩層，蛋白連埋芋茸食好好食，唔會覺得膩。
另一個甜品叫左仙翁米蛋白杏仁茶，味道ok。
總括黎講，今餐非常滿足，雖然價錢略貴，但點心好精緻有心思，值得一試。
張貼
