影片
更多
2017-05-29
3021 瀏覽
今次澳門之旅短短逗留半天揀左呢間期待已久嘅葡國餐廳作為晚餐之選夜晚時段開6:00因為船班關係, 特別安排6:00入座位置係葡京沿大馬路向議事庭方向行中間會見到有條樓梯行上去就搵到啦門外環境係西式舊式建築而店內環境亦係較舊式西餐廳裝潢餐廳應有三層我哋被安排於第二層近樓梯位置坐低下準備點菜較特別嘅係Menu無show價錢的只有幾款chef special有價錢寫於黑板上點好菜後侍應送上熱辣辣面包(真係熱到辣手的)面包貿感夠鬆軟第一道上的是葡式海鮮沙律葡式沙律特式係有啲酸尾尾的白醋味配合香料,洋蔥碎,蒜粒令其更開胃呢碟沙律做得出色醒胃八爪魚仔夠爽口唔會韌青口同魚肉都保持到本身質感唔會過淋魷魚片夠薄身易入口蝦肉扎實爽身跟住送來的係薯絲馬介休薯絲有別於平常食到的佢哋係將薯仔切到好幼好幼炸起上黎仲幻過炸粉絲薯絲入口好香脆溶後都有幾濃薯仔味馬介休魚肉佔份量幾多配合埋香草小蒜片混在一起食落味道剛剛好 唔會太乾身看似簡單而做得有水準嘅菜式最後來的是非洲雞我自己覺得係三道菜中最出色面頭漿汁好香而辣道頗夠咸甜辣三種味道配合得好好雞肉好嫰滑雞皮本身有剪香至微焦入口感覺無咁肥膩食葡餐都係搵較傳統的餐廳先會食到原
揀左呢間期待已久嘅葡國餐廳作為晚餐之選
夜晚時段開6:00
因為船班關係, 特別安排6:00入座
位置係葡京沿大馬路向議事庭方向行
中間會見到有條樓梯行上去就搵到啦
門外環境係西式舊式建築
而店內環境亦係較舊式西餐廳裝潢
餐廳應有三層
我哋被安排於第二層近樓梯位置
坐低下準備點菜
較特別嘅係Menu無show價錢的
只有幾款chef special有價錢寫於黑板上
點好菜後侍應送上熱辣辣面包
(真係熱到辣手的)
面包貿感夠鬆軟
第一道上的是葡式海鮮沙律
葡式沙律特式係有啲酸尾尾的白醋味
配合香料,洋蔥碎,蒜粒令其更開胃
呢碟沙律做得出色醒胃
八爪魚仔夠爽口唔會韌
青口同魚肉都保持到本身質感唔會過淋
魷魚片夠薄身易入口
蝦肉扎實爽身
葡式海鮮沙律
65 瀏覽
0 讚好
0 留言
跟住送來的係薯絲馬介休
薯絲有別於平常食到的
佢哋係將薯仔切到好幼好幼
炸起上黎仲幻過炸粉絲
薯絲入口好香脆
溶後都有幾濃薯仔味
馬介休魚肉佔份量幾多
配合埋香草小蒜片混在一起
食落味道剛剛好 唔會太乾身
看似簡單而做得有水準嘅菜式
薯絲馬介休
81 瀏覽
0 讚好
0 留言
最後來的是非洲雞
我自己覺得係三道菜中最出色
面頭漿汁好香而辣道頗夠
咸甜辣三種味道配合得好好
雞肉好嫰滑
雞皮本身有剪香至微焦入口感覺無咁肥膩
非洲雞
108 瀏覽
0 讚好
0 留言
食葡餐都係搵較傳統的餐廳先會食到原汁原味
總好過已為遷就遊客而過度演化的餐館
呢間值得推介!
張貼
