影片
更多
2022-01-16
2215 瀏覽
轉轉口味試下呢間位於倫敦人入面「北方鳴苑」，建議先提早訂位，有兩個時間段（18:00-20:00/ 20:00-22:00），食飯中途有當地傳統舞蹈表演，兩位舞者穿梭於飯枱和飯枱之中跳舞。.入門口已經睇到落地玻璃開放式設計廚房，一隻外層灑滿芝麻的全羊架在板上，旁邊一個大烤爐，整晚忙住製作蘋果架子羊呢道菜，比客人見到即場整烤鴨，另一邊係揉麵拉麵刀削麵的麵食烹調區。.呢到有片皮鴨、烤全羊、牛肉麵、串燒、餃子等，相信招牌菜係前兩者，⚠️烤羊和片皮鴨需提前預約，烤羊有全羊、半羊、1/4羊和1/6羊，烤鴨可全隻或半隻。~~~~~~~~~~~~~~~~~~~~~~~~~北京酥不膩烤鴨 半隻 ($388)阿克蘇蘋果架子羊 ($168)蘭州牛肉拉麵 ($98)東北海鮮撈拌 ($228)絲綢之路 ($78)~~~~~~~~~~~~~~~~~~~~~~~~~提早預訂 — 北京烤鴨，為左可以試多幾款菜只點了半隻，一整個中式木盒裝住，精緻好睇，為佢賣相打上高分，好奇心打開抽屜入面無野😂。醬和配料分別有桂花砂糖、烤鴨甜醬、青瓜絲、蔥絲，另有兩款似蒜蓉和醃菜蓉，配以芝麻包和餅皮，供應時間由11:00-23:00。.
轉轉口味試下呢間位於倫敦人入面「北方鳴苑」，建議先提早訂位，有兩個時間段（18:00-20:00/ 20:00-22:00），食飯中途有當地傳統舞蹈表演，兩位舞者穿梭於飯枱和飯枱之中跳舞。
.
入門口已經睇到落地玻璃開放式設計廚房，一隻外層灑滿芝麻的全羊架在板上，旁邊一個大烤爐，整晚忙住製作蘋果架子羊呢道菜，比客人見到即場整烤鴨，另一邊係揉麵拉麵刀削麵的麵食烹調區。
.
呢到有片皮鴨、烤全羊、牛肉麵、串燒、餃子等，相信招牌菜係前兩者，⚠️烤羊和片皮鴨需提前預約，烤羊有全羊、半羊、1/4羊和1/6羊，烤鴨可全隻或半隻。
~~~~~~~~~~~~~~~~~~~~~~~~~
北京酥不膩烤鴨 半隻 ($388)
阿克蘇蘋果架子羊 ($168)
蘭州牛肉拉麵 ($98)
東北海鮮撈拌 ($228)
絲綢之路 ($78)
~~~~~~~~~~~~~~~~~~~~~~~~~
提早預訂 — 北京烤鴨，為左可以試多幾款菜只點了半隻，一整個中式木盒裝住，精緻好睇，為佢賣相打上高分，好奇心打開抽屜入面無野😂。醬和配料分別有桂花砂糖、烤鴨甜醬、青瓜絲、蔥絲，另有兩款似蒜蓉和醃菜蓉，配以芝麻包和餅皮，供應時間由11:00-23:00。
.
單獨食鴨皮香脆，油脂感爆發，開始配砂糖食時還不錯，食到尾個幾塊一口油😅，都係建議配番經典餅皮包住一齊食，當晚出品肉質還算嫩身。
.
之後會送番每人一碗鴨湯，意外覺得幾好飲。
.
當晚見廚房無停過手整呢道 — 蘋果架子羊 ，中間連埋舊炭一齊上枱，有少少保溫作用，但時間唔長，都係趁熱食。比一般羊腩還要肥，有少少羊顫味，皮下肥肉部分幾油膩下，如果唔減走啲肥肉，兩舊都食唔落，唔係唔好食，但一人三大塊真係搞唔掂😅，明白晒點解要配埋蘋果，即時清新去膩，蘋果烤到軟軟地，我幾鐘意呢個口感😂。
.
遠遠見餐廳盡頭廚師們不停拉拉麵，呢個牛肉拉麵真心好食，特別係個麵，感覺和外面食到質感唔同，麵湯底清甜。
.
東北海鮮撈拌底下擺住青瓜和蘿蔔絲，上面放鮑魚、海參和蟶子，確實海鮮有個爽口口感，但本身無咩味。個汁重芥末味道，酸酸甜甜，記得撈勻整個涼拌先。
.
絲綢之路 個名好聽，所以叫來試試，就係西柚青蘋果汁😂，酸酸甜甜咁，有下次的話正正經經叫壺茶仲好。
_
⭐️ 需加一服務費
⭐️ 想食全羊和北京烤鴨的要提早一天預約
張貼
