晃記餅家

營業中

休息中

澳門行程第3日，預定下午返香港，要買手信比屋企人，朋友就要買埋同事嗰份。屈指一算派比朋友食都係晃記餅家好，貪佢有散裝賣，合乎經濟效益。我自己買咗2包杏仁餅，2包紅豆餅，2包肉切酥同1包豬油糕。杏仁餅$16--食過幾次，發覺啲杏仁大細粒無標準，炒得係幾香；餅身綠豆粉太重，細咬有杏仁味，較甜亦容易碎。紅豆餅$24--紅豆蓉少咗，餅皮厚咗；個餡其實幾好食、好有紅豆味，酥皮比以前更酥、可惜酥皮依然有硬塊。肉切酥$10--招牌貨，夠脆有南乳香，不過好似細塊咗。豬油糕$12--一般行貨，又唔見晃記標籤，應該係非自家製成品。今次係老闆娘幫我地執柯打，好快手同有禮貌。雖然係早上，都有人排隊買餅架。