奧旋自助餐 (裝修中)

老公生日黎澳門行下食下野，上網訂左套票船飛加晚餐自助餐都係五百幾蚊， 10分抵自助餐時段六點開始，最晏可以食到十點，我哋去嗰日係閒日，人流唔算多，所以唔使排隊，可以慢慢食食自助餐最緊要當然係海鮮啦，海鮮包括有青口、蛽、龍蝦仔、海蝦、海螺，當然最緊要係長腳蟹啦，海蝦最正，長腳蟹都可以，其他都係麻麻⋯海鮮隔離仲有刺身，雖然只有三文魚、八爪魚同希靈魚，不過都算新鮮⋯之前就輪到我最鍾意食嘅羊扒同牛扒，在場師傅好細心問你嘅需要，供應你需要嘅份量仲有幾款醬汁選擇，羊扒好好味，不過略嫌熟咗少少⋯野食仲有沙律、各款芝士、中式點心、熱盤等等最後重頭戲當然係甜品啦，呢間自助餐嘅甜品款式好多，而且有啲都頗有新意（雖然我都係最鍾意食classic嘅款）特別推介迷你心太軟，雖然有幾份拎嗰陣啲流心已經爆左，不過味道依然正最後講下員工服務，人手足夠，可以盡快留意需唔需要收盤或者要唔要加水，值得一讚！