度小月

營業中

休息中

想食度小月而唔洗排隊～黎百老匯大街啦！首先叫必食嘅擔仔麵（細$18）同祖傳肉燥飯（細$18）先～呢度嘅肉燥真係好好味，咸淡適中，唔油膩，個人偏愛擔仔麵多d，因為麵質彈牙湯頭又鮮甜！不過$18碗，兩款叫晒都唔過份～本來小食想叫蚵仔煎，不過暫時無師傅整，唯有轉叫鮮蚵湯啦～$48，蚵仔粒粒都好飽滿新鮮，個湯意想不到咁清甜！仲有烤紹興香腸（即係台灣香腸）$38 有少少貴，之前未試過夾生蒜片食，原來夾埋辣辣地幾好食同埋蒜片同香腸味道都幾夾。