真串串燒 (已結業)

上個禮拜六去左澳門睇煙花，九點先開始，諗住去氹仔食魚翅撈飯，去到排晒隊，無無聊聊排緊排果陣見到對面有間黑媽媽連招牌都無既鋪頭，傳出陣陣燒烤味，原來係買串燒，咁咪走入去試左幾串，佢地煙肉串真係幾好味，都幾大串，仲有條鰻魚，嘩，大串到嚇死，成兩個手板加埋咁大，比香港平好多。老闆仲送兩串比我試，但間鋪衰在無得坐，只有外賣，為有企係到食，但個個都圍住間鋪企係到食，都無乜所謂。去開氹仔可以去試下，都幾抵食又好味。