富仕葡式美食

營業中

休息中

今次澳門遊無太多既計劃, 只係幾個人黎行下。朋友話上次食過呢間覺得好正，於是帶我地黎食。呢度鋪仔細細，不過其實有兩層。我地岩岩o係開鋪既時候黎，無咩人。我地點左芝士奶油焗西蘭花，燒雞釀飯，奶油馬介休薯蓉。芝士奶油焗西蘭花呢碟野好鬼香。滿滿既芝士汁，焗出黎香噴噴。D 西蘭花唔會焗得太淋，岩岩好。奶油馬介休薯蓉呢碟係我最鍾意既菜式。熱辣辣，薯蓉好Creamy，加馬介休真係好夾。下次再黎都會再點呢碟，推介！釀燒雞飯呢個都唔錯，隻燒size 唔大，但係個皮燒得好脆，D 肉仲係好嫩，燒得好!入面釀既係普通西炒飯，無咩特別，都係酸酸甜甜咁。唔特別，但都令到呢碟菜式唔漏。幾好! 出外真係靠朋友。