Restaurante ESCADA

營業中

休息中

一行八人過澳門探親...為o左方便同行有人要即日返香港...所以揀間近d...訂o左位但只hold檯10分鐘...因為太多booking...去到都要排隊等入座...最後我地係坐三樓~ 地方都舒適ge~ 我地8個人叫o左8種菜式~ 1) 馬介休球: 我好鍾意食呢味菜~ 呢度炸得唔錯~ 好脆好香~ 係比較細件~而且佢用o既蕃西比較多~ 味道好重~  2) 檸檬炒蜆: 酸酸地好好食!!! 好香蒜味~ 我連d汁都飲埋~ 好清甜又唔咸~ 店員已經提示o左會有少少沙...我食到一兩粒有je~ 都ok~3) 非洲雞: 甜甜地又辣辣地~ 份量都ok~ 4) 燒沙甸魚: 好彩有四條~ 一人都分到一半~ 我覺得都幾滑幾好食~ 5) 燒豬: 肉質好滑同入味~ 但係D皮一D都唔脆...份量又少...一d都唔抵食...6) 蒜蓉炒雜菜: D菜好清甜好好味~ 好鍾意佢有好多蘑菇~ 好好食~ 7) 火焰葡國腸: 店員又提醒o左會比較咸~ 我地一人都係食一兩粒...所以ok~ 最緊要係睇住佢烤到d腸窿窿地咁...幾過癮je~ 8) 焗鴨飯:又係葡國名菜~ 呢間都整得唔錯~ 鴨肉同份量都幾多~ 不過分佈得唔平均...