文記咖啡

營業中

休息中

澳門好多地道茶餐廳，淨係豬扒包都有好多選擇，呢一間特別再唔係用傳統嘅豬仔包，而係用菠蘿包，中間仲會夾住一層花生醬，鹹香味特別出，豬扒夠熱夠新鮮，都算係特別嘅豬仔包。豬扒比較薄身，雖然唔會特別乾，但識落亦冇乜嘢特別，甜甜鹹鹹，試一次無妨，未必會再encore。蕃茄蛋炒通粉比較特別，香港比較少見，係想像到嘅味道，蕃茄滑蛋甜甜地，配埋豉油炒嘅通粉，味道都幾夾。通粉炒得乾身，食到底都唔會特別多汁，軟硬適中。