青洲灶記咖啡 (已結業)

喺舊城區行耐咗又熱又攰，所以嚟咗呢間頗有名氣嘅茶餐廳食啲小食。唔洗點排隊，但係都滿座，應該係澳門人嘅地道食堂😬😬😬我地三個人叫咗個奶油豬、豬扒包同菠蘿油，價錢亦好街坊價。只係呢三樣嘢都好邪惡，卡路里應該爆哂燈，但係全部三個包都好鬆脆，而且塊豬扒又好嫩，所以都食得好滋味！朋友話佢杯奶茶都好好飲，冇試過但睇樣都唔錯😄 不過澳門仲有好多呢啲其他小店，聽講間間都係咁好食添，所以下次再嚟都未必再嚟呢間食下午茶喇。