自由咖啡

營業中

休息中

朋友去左澳門好多年，每年返香港都會買盒月餅比我。今年我笑佢做乜買盒蛋卷，細看之下原來係奶皇月餅！「自由咖啡」今年搵左葉潤發師傅監制，一聽到葉師傅個大名就知道呢個奶黃月餅一定唔簡單！葉師傅係奶皇月餅之父，今次親自收徒弟，品質一定有保證啦！包裝方面大方得體，一盒有八個。月餅既皮色澤金黃，好薄，好香，唔易爛，有少少鬆化。奶皇餡非常有蛋香，好實在，唔會鬆泡泡，非常細滑，甜度不高，簡直係黃金比例！可以咁講，「自由咖啡」既奶皇月餅十分出色，真係想食完一個又一個！