Bar.Celona Tapas & Rice (已結業)

Item: Bar.Celona Tapas & Rice
Rating: 5
Author: 甘平梅

6 食評

味道

環境

服務

衛生

抵食

434

黑沙環

$201-400

西班牙菜

甘平梅

等級1

因為一個非常美滿愉快的西班牙旅程, 令我對西班牙菜念念不忘。朋友介紹咗呢間係澳門的西班牙餐廳, 一直都好想去, 結果等咗成個月先可以成行。為咗食呢餐, 專登坐船去澳門, 我都好擔心會費時失事, 結果我地係食唔停, 好滿足咁攬住個肚返香港。入到餐廳裝飾簡潔, 店如其名, 似一間優閒舒適的酒吧多過一間有美食餐廳。一坐低, 男友就一眼認出餐廳大廚, 原來佢之前嚟過香港教其他西班牙餐廳的廚師, 咁大廚的體型又真係好突出講返食物先, 我地覺得樣樣都好味, 只有好味同好好味的分別。有D食物太吸引, 唔記得影相就比我地食哂未開始點菜就有份餐廳送的橄欖鬆餅(Olive Muffin), 一向食鬆餅都係食甜的, 食呢個鹹味的鬆餅感覺好清新, 新鮮焗好熱辣辣, 兼且外脆內軟, 食完個口仲留咗D橄欖味, 對於好鍾意食橄欖的我, 頓時已經對呢間餐廳甚有好感。侍應好有禮貌咁介紹我地當晚的廚師推介, 樣樣都好吸引咁, 好難決定。最後因為係西班牙食的八爪魚實在太鮮味(我係果度差唔多日日都食), 好想再回味, 所以第一時間叫咗烤八爪魚(Grill Octopus)。食材新鮮當然好關鍵, 但我真係好欣賞佢地真係火喉啱

因為一個非常美滿愉快的西班牙旅程, 令我對西班牙菜念念不忘。朋友介紹咗呢間係澳門的西班牙餐廳, 一直都好想去, 結果等咗成個月先可以成行。
為咗食呢餐, 專登坐船去澳門, 我都好擔心會費時失事, 結果我地係食唔停, 好滿足咁攬住個肚返香港。

入到餐廳裝飾簡潔, 店如其名, 似一間優閒舒適的酒吧多過一間有美食餐廳。一坐低, 男友就一眼認出餐廳大廚, 原來佢之前嚟過香港教其他西班牙餐廳的廚師, 咁大廚的體型又真係好突出
講返食物先, 我地覺得樣樣都好味, 只有好味同好好味的分別。有D食物太吸引, 唔記得影相就比我地食哂

未開始點菜就有份餐廳送的橄欖鬆餅(Olive Muffin), 一向食鬆餅都係食甜的, 食呢個鹹味的鬆餅感覺好清新, 新鮮焗好熱辣辣, 兼且外脆內軟, 食完個口仲留咗D橄欖味, 對於好鍾意食橄欖的我, 頓時已經對呢間餐廳甚有好感。
侍應好有禮貌咁介紹我地當晚的廚師推介, 樣樣都好吸引咁, 好難決定。最後因為係西班牙食的八爪魚實在太鮮味(我係果度差唔多日日都食), 好想再回味, 所以第一時間叫咗烤八爪魚(Grill Octopus)。食材新鮮當然好關鍵, 但我真係好欣賞佢地真係火喉啱啱好, 食得出佢中間係剛剛熟透, 好鮮嫰好juicy, 加埋面果幾顆海鹽, 將D鮮味襯托哂出嚟。食完呢碟, 我已經好放心當晚唔會失望而回。

跟住係餐牌揀咗西班牙炸丸子(Las croquetas de la abuela con pollo i jamon)。新鮮炸起的食物通常都無得輸, 佢好食在個餡creamy得嚟唔漏, 又食到雞同火腿的肉汁味, 配埋個脆卜卜的外層, 男友猛話好好食。我就覺得唯一可挑剔係雞肉粒有少少”鞋”, 如果可改善就滿分啦。

西班牙炸丸子(Las croquetas de la abuela con pollo i jamon)

大廚好客氣咁請我地食咗個法國蕃茄配三文魚沙律, 可以食得出個蕃茄真係好新鮮, 可能因為個秘製醬汁的關係, 件三文魚出奇地鮮甜。讚!

之後出現係烤黑毛豬肋排配焦糖菠蘿(Gostillas de iberico con pina caramelizada), 呢碟有名的菜式係西班牙錯過咗, 係呢度可以補食返, 真開心! 豬肋好嫰, 中間仲係粉紅色的, 配埋稍微酸甜的菠蘿, 我最後連D花都食埋

烤黑毛豬肋排配焦糖菠蘿(Gostillas de iberico con pina caramelizada)

烤牛面頰配蘑菇醬(Carrillada de ternera al horno con champinones)係我特別揀選, 好鍾意食呢個咁重牛味的tapas。佢有D似五香牛展, 但肉味更膿, 肉質更嫰滑, 下面D薯蓉吸哂D肉汁, 千萬唔好錯過。

烤牛面頰配蘑菇醬(Carrillada de ternera al horno con champinones)

食到呢度只有五成飽, 仍然戰鬥力高企。我地又一口氣叫多三樣嘢。最先到係廚師推介的鮮黑松露配煎蛋, 聽落好hea, 但其實好好食。雖然黑松露無白松露咁香, 但我覺得配埋D濃濃的蛋黃漿, 一啖食落去, 滿口都係黑松露味, 芬香滿溢。

之後嚟果碟係煎蛋配薯仔和西班牙腸(Huevo frito con patata i chorizo), 呢樣係另一樣係西班牙成日見人食, 但當時無食的tapas。呢碟由於太美味, 後來完全忘記影相。係西班牙時通常都見到係用粗薯條, 但呢度用好似零食果種幼薯條, 好鬆脆又唔油膩。估唔到咁簡單都好食, 我地打算自己返屋企都試下整。
主菜尾聲係一碟西班牙紅蝦和黑毛豬燴飯(Cocerola de arroz con gambas e iberico a la catalana)。當時已經開始有D飽, 見到碟飯仲驚食唔哂, 後來我地都係食到汁到無。皆因果隻紅蝦將成碟飯的味道提升咗, 成碟飯勁鮮甜。個蝦頭係全晚的highlight

食果時唔小心咬爆咗個蝦頭, 結果D蝦膏噴射式咁唧滿我喉嚨, 鮮、甘、甜佈滿我每一個味蕾, 我呢家諗起都流口水。

西班牙紅蝦和黑毛豬燴飯(Cocerola de arroz con gambas e iberico a la catalana)

已經十成飽, 都係忍唔住叫咗個甜品, 焗菠蘿配香料和草莓忌廉(Pina asada con especias aromaticas i una espuma)。菠蘿面有層脆焦糖, 加埋酸酸地草莓忌廉, 其實好清新, 啱啱好帶走D飽滯感。男友好鍾意食菠蘿, 佢覺得好好食, 我對菠蘿有D過敏, 只係食咗少少。食完呢個甜品覺得呢程覓食之旅係好圓滿咁完成咗, 可以帶我個超脹肚腩笑住去撘船返屋企。