影片
更多
2011-02-20
269 瀏覽
每次去澳門，都會揀食返葡國菜，一來係好食D，二來大把選擇，KEEP住次次嚟都有新鮮感。今次揀沙利文因為佢近新馬路，就腳之餘又成日見D旅遊書介紹，點知就中招！叫咗4個DISH：葡國菜湯上枱時侍應拎個煲出嚟喺你面前"畢"落碗到，PRESENTATION唔錯；而呢個湯，好足料，無味精，有兒時最愛字母粉喺湯裡面，係全餐最好食嘅一個DISH。炒雜菜正常炒雜菜，合格。燒西冷扒牛扒無味，韌到爆，連DD炭燒味都無。海鮮大會個茄汁有陣罐頭番茄味，超多薯仔，佔全鍋餸嘅50%，魷魚再佔30%，加4隻無蝦味雪藏蝦，最好食、有魚味嘅斑球3舊，同埋洋蔥、番茄咁，就製成呢煲海鮮大會。灰！叫餸後必送嘅切片法包，唔熱唔脆，只有麵粉味，都幾難食，平時必清麵包嘅我都食唔落口。
每次去澳門，都會揀食返葡國菜，一來係好食D，二來大把選擇，KEEP住次次嚟都有新鮮感。今次揀沙利文因為佢近新馬路，就腳之餘又成日見D旅遊書介紹，點知就中招！
叫咗4個DISH：
葡國菜湯
上枱時侍應拎個煲出嚟喺你面前"畢"落碗到，PRESENTATION唔錯；而呢個湯，好足料，無味精，有兒時最愛字母粉喺湯裡面，係全餐最好食嘅一個DISH。
炒雜菜
正常炒雜菜，合格。
燒西冷扒
牛扒無味，韌到爆，連DD炭燒味都無。
海鮮大會
個茄汁有陣罐頭番茄味，超多薯仔，佔全鍋餸嘅50%，魷魚再佔30%，加4隻無蝦味雪藏蝦，最好食、有魚味嘅斑球3舊，同埋洋蔥、番茄咁，就製成呢煲海鮮大會。灰！
叫餸後必送嘅切片法包，唔熱唔脆，只有麵粉味，都幾難食，平時必清麵包嘅我都食唔落口。
張貼
